7:134  phrodite  de  sa  maladie,  et  le  retirant  de  la  mort  avoit  eu  pitie  d'iceluy,  combien  qu'il  fust  du  nombre  des  fideles  (Phil.  2,  27).  Les  Anabaptistes  arguent,  que  cela  est  une  cruaute,  si  [page  175]  les  ames  vivent  apres  la  mort.  Nous  disons  que  c'est  une  misericorde  quand  il  plaist  a  Dieu  de  se  magnifier  en  nous  en  ceste  vie  corporelle,  nous  faisant  instrumens  de  sa  gloire.  D'avantage  il  n'est  pas  dict  que  Thabita  ait  este  ressuscitee  pour  sa  commodite  propre,  mais  a  la  requeste  des  povres,  qui  plouroyent  pour  la  perte  qu'ilz  avoyent  faicte  en  sa  mort.  Tenons  donc  cela,  que  nostre  Seigneur  nous  faict  tousiours  une  grace  singuliere,  en  faisant  que  nous  vivions  et  mourions  a  luy.  Venons  aux  tesmoignages  qu'ilz  alleguent  de  David,  combien  que  ie  suis  honteux  de  les  reciter,  d'autant  qu'ilz  en  abusent  tant  puerilement.  Mais  si  les  faut-il  reciter,  d'autant  qu'ilz  en  font  leurs  choux  gras  envers  les  simples  gens.  Ilz  alleguent  ceste  sentence:  I'ay  dict,  vous  estes  dieux,  et  filz  du  Treshaut,  toutesfoys  vous  mourrez  comme  hommes  (Ps.  82,  6).  Ilz  exposent  que  les  fideles  sont  la  nommez  dieux:  mais  qu'ilz  meurent  comme  les  reprouvez,  et  que  leur  condition  est  semblable,  iusques  au  iour  du  Iugement.  Mais  nous  avons  l'exposition  de  Iesus  Christ  (Iehan  10,  35),  que  la  il  est  parle  des  Princes  et  gens  de  iustice,  qui  ont  le  tiltre  de  dieux:  d'autant  qu'ilz  sont  comme  ses  lieutenans  eu  leur  estat.  Et  quand  nostre  Seigneur  Iesus  [page  176]  n'en  auroit  sonne  mot,  l'usage  de  l'escriture  le  nous  monstre.  Et  le  texte  mesme  est  si  clair  qu'il  emporte  sa  glose  quant  et  quant.  Car  la  sont  reprins  ceux  qui  exercent  tyrannie  et  iniquite:  et  leur  est  dict,  qu'il  faudra  mourir  et  quitter  la  dignite  laquelle  ilz  ont  pour  rendre  compte  a  Dieu,  comme  les  plus  petiz.  Ilz  amenent  aussi  ce  passage:  Ne  mettez  point  vostre  fiance  aux  hommes:  l'esprit  de  l'homme  s'en  va,  et  s'en  retourne  en  sa  terre,  et  en  ce  iour  la  perissent  toutes  leurs  cogitations  (Ps.  146,  4).  Ilz  prennent  le  mot  d'esprit  pour  vent,  comme  s'il  n'y  avoit  point  d'autre  ame  en  l'homme.  Puis  ilz  arguent,  que  si  les  cogitations  perissent,  il  s'ensuit  que  l'ame  dort,  ou  qu'elle  n'est  rien.  Ie  respons  que  l'esprit  de  l'homme  signifie  autre  chose  que  souffle,  comme  ie  l'ay  tresbien  prouve.  Mais  encore  que  ce  mot  fust  icy  prins  en  telle  signification,  comme  il  se  prend  en  quelques  passages,  ce  n'est  pas  a  dire  que  l'homme  n'ait  pourtant  rien  que  souffle.  Touchant  s'e  ce  qui  est  dict,  que  Ies  cogitations  perissent,  cela  n'emporte  autre  chose,  sinon  que  les  entreprinses  des  hommes  sont  dissipees  a  la  mort,  et  s'en  vont  en  fumee,  comme  il  est  dict  ailleurs  (Ps.  112,  10):  que  le  desir  des  pecheurs  perira:  pour  denoter  qu'il  [page  177]  ne  Tiendra  point  en  son  effect.  David  donc  ne  dict  9*