6:134  evangelistae,  ipsum  in  ea  distribuenda  publici  ministri  fecisse  officium.  MINISTER.  Verum,  debentne  pastores,  quibus  commissa  est  dispensatio,  passim  omnes  et  absque  delectu  admittere?  1)  PUER.  Quod  ad2)  baptismum  pertinet,  quia  non  nisi  infantibus  hodie  confertur,  discretio  locum  non  habet.  In  coena  vero  cavere  debet  minister,  ne  cui  ipsam  porrigat,  quem  indignum  esse  palam  constet.  MINISTER.  Cur  id?  PUER.  Quia  non  sine  contumelia  et  profanatione  sacramenti  fieret.  MINISTER.  Atqui,  nonne  Iudam,  quamlibet  impius  esset,  eius  communione  dignatus  est  Christus?  PUER.  Fateor:  quum  adhuc  occulta  foret  eius  impietas.  Tametsi  enim  Christum  non  latebat,  nondum  tamen  prodierat  in  lucem,  notitiamque  hominum.  MINISTER.  Quid  ergo  hypocritis  fiet?  PUER.  Eos,  tanquam  indignos,  arcere  pastor  non  potest:  sed  supersedere  debet,  quousque  eorum  nequitiam,  ut  hominibus  innotescat,  Deus  revelaverit.  MINISTER.  Quid  si  quempiam  ipse  indignum  noverit,  aut  fuerit  admonitus?  PUER.  [fol.  83]  Ne  id  quidem  ad  eos  communione  abdicandos  foret  satis:  nisi  legitima  cognitio,  ecclesiaeque  iudicium  accedat.  MINISTER.  Certum  ergo  gubernationis  ordinem  constitutum  in  ecclesiis  habere  operae  pretium  est.  PUER.  Verum  est:  nec  enim  aliter  bene  moratae  sunt,  noc  rite  compositae.  Haec  autem  ratio  est,  ut  deligantur  seniores,  qui  morum  censurae  praesint,  cavendisque  offendiculis  invigilent:  et  q≪os  agnoverint  recipiendae  coenae  nequaquam  esse  capaces,  nec  admitti  quidem  posse  quin  sacramentum  polluatur,  eos  a  communicatione8)  reiiciant.  1)  Apud  Bezam  et  eius  asseclas  legitur:  committere,  munione  Beza  et  seqy.  2)  Quoad  omnes  praeter  principem.  3)  com-  PIN  DU  CATECHISME.