56:134  repos.  15.  Et  il  luy  dit,  Si  ta  face  me  precede,  ne  nous  fay  point  monter  d'ici.  16.  Et  de  faict,  en  quoy  cognoistra-on  que  moy  et  ton  peuple  ayons  trouve  grace  devant  toy  ?  Ne  sera-ce  pas  quand  tu  chemineras  avec  nous,  afin  que  moy  et  ton  peuple  soyons  glorifiez  plus  que  tous  les  peuples  qui  sont  sur  la  terre?  17.  Et  l'Eternel  dit  a  Moyse,  Ie  feray  aussi  ceste  chose  que  tu  dis:  car  tu  as  trouve  grace  devant  moy,  et  t'ay  cognu  de  nom  18.  Derechef  il  dit,  Ie  te  prie  fay  moy  apparoistre  ta  gloire.  19.  Il  respondit,  Ie  feray  passer  toute  ma  beaute  par  dessus  ta  face,  et  crieray  le  nom  de  l'Eternel  devant  toy:  et  feray  grace  a  celuy  auquel  ie  voudray  faire  grace,  et  auray  compassion  de  celuy  duquel  ie  voudray  avoir  compassion.  20.  Puis  il  dit,  Tu  ne  pourras  pas  voir  ma  face:  car  l'homme  qui  m'aura  veu,  ne  vivra  point.  21.  Item  l'Eternel  dit,  Voici,  il  y  a  un  lieu  aupres  de  moy,  tu  t'arresteras  sur  la  pierre.  22.  Et  quand  ma  gloire  passera,  ie  te  mettray  au  pertuis  de  la  pierre,  et  te  couvriray  de  ma  main  tant  que  ie  seray  passe.  23.  Puis  retireray  ma  main,  et  verras  mes  parties  de  derriere:  mais  ma  face  ne  se  verra  point.  Chapitre  XXXIV.  1.  Et  l'Eternel  dit  a  Moyse,  Applani  toy  deux  tables  de  pierre  comme  les  premieres:  et  i'escriray  sur  les  tables  les  paroles  qui  estoyent  sur  les  premieres  tables  que  tu  as  rompues.  2.  Et  sois  prest  au  matin,  afin  de  monter  le  matin  en  la  montagne  de  Sinai:  et  estre  la  pres  de  moy  sur  le  coupeau  de  la  montagne.  3.  Mais  que  nul  ne  monte  avec  toy,  et  aussi  que  nul  ne  soit  veu  en  toute  la  montagne,  mesme  que  les  brebis  ou  boeufs  ne  pasturent  point  a  l'entour  de  la  montagne.  4.  Moyse  doncques  applanit  deux  tables  de  pierre  comme  les  premieres  :  et  se  leva  au  matin  et  monta  en  la  montagne  de  Sinai,  comme  l'Eternel  luy  avoit  commande  :  et  preint  en  sa  main  les  deux  tables  de  pierre.  5.  Et  l'Eternel  descendit  en  la  nuee,  lequel  s'arresta  illec  avec  luy,  et  il  reclama1)  le  nom  de  l'Eternel.  6.  Comme  doncques  l'Eternel  passoit  par  devant  luy,  il  cria,  L'Eternel  l'Eternel,  Dieu  pitoyable,  debonnaire,  tardif  a  ire,  abondant  en  clemence2)  et  verite.  7.  Gardant  misericorde  en  milliers,  ostant  l'iniquite,  prevarication,  et  peche,  et  n'absous  nullement,3)  visitant  l'iniquite  des  peres  sur  les  enfans,  et  sur  les  enfans  des  enfans,  iusques  a  la  troisieme  et  quatrieme  generation.  8.  Incontinent  Moyse  s'enclina  en  terre,  et  se  prosterna.  9.  Disant,  O  Eternel,  ie  te  prie  si  i'ay  trouve  grace  devant  toy,  que  l'Eternel  marche  maintenant  par  le  1)  invocqua  O.  46.  reclama  54.  cria  a  haute  voix:  c'est  le  Seigneur  59.  2)  benefices  O.  douceur  46  suiv.  3)  vers  lequel  l'innocent  ne  sera  point  innocent  O.