50:134  praecipua.  Pericula  ex  genere  intelligit,  quae  ex  natione  sua  illi  proveniebant,  propter  odium  quo  flagrabat  apud  omnes  Iudaeos.  Ex  alia  parte  gentes  habebat  infestas.  Tertio,  imminebant  illi  insidiae  a  falsis  fratribus.  Ita  fiebat  ut  pro  Christi  nomine  exosus  foret  universis.  Ieiunia  voluntaria  interpretor,  quum  de  fame  et  penuria  ante  loquutus  sit.  Haec  erant  insignia,  quibus  se  eximium  Christi  servum  esse  non  immerito  probabat.  Unde  enim  melius  cognoscere  licet  Christi  servos  quam  a  tot  tam  variis  tamque  seriis  experimentis?  molliculi  autem  illi  thrasones  quum  nihil  egissent,  nihil  paasi  essent  pro  Christo:  sese  tamen  impudenter  efferebant.  Sed  quaeritur  an  nemo  servus  sit  Christi,  nisi  qui  totidem  malis,  periculis,  aerumnis  fuerit  exercitatus?  Respondeo,  non  requiri  omnia  necessario  in  omnibus:  sed  ubi  haec  cernuntur,  maius  certe  et  illustrius  exstare  testimonium.  Qui  igitur  tot  ornamentis  erit  conspicuus,  alios  minus  nobiles  ac  minus  probatos  non  contemnet,  neque  propterea  superbiet:  sed  tamen  quoties  opus  fuerit,  adversus  fucos  et  nihili  homines  sancta  gloriatione  exsultare  poterit  Pauli  exemplo:  modo  Christum,  non  se  respiciat.  Sola  enim  superbia  aut  ambitio  istas  omnes  laudes  corrumperet  ac  deformaret.  Praecipuum  enim  est  ut  pura  conscientia  Christo  serviamus.  Alia  omnia  sunt  quasi  accessiones.  28.  Praeter  ea  quae  extrinsecus.  Praeter  ea,  inquit,  quae  superveniunt  hinc  inde,  et  quasi  sunt  extraordinaria:  quanti  aestimanda  est  moles  ordinaria,  quae  assidue  me  urget?  nempe  quod  omnium  ecclesiarum  sollicitudinem  gero.  Curam  omnium  ecclesiarum  appositive  ordinariam  suam  molem  appellat.  Sic  enim  erctaoaTaaLV  vertere  mihi  permisi:  quum  significet  aliquando  quidquid  nos  urget.  Quicunque  de  ecclesia  Dei  serio  est  sollicitus,  is  sibi  instat  et  grave  onus  humeris  suis  incumbens  sustinet.  Quale  speculum  absoluti  ministri,  cura  et  studio  non  unam  amplecti  ecclesiam  duntaxat,  non  decem,  non  triginta:  sed  omnes  simul,  ut  alias  doceat,  alias  confirmet,  alias  hortetur,  aliis  det  consilium,  aliarum  morbis  medeatur.  Porro  ex  Pauli  verbis  colligere  licet,  neminem  ex  animo  affici  posse  ecclesiarum  cura,  quin  multis  difficultatibus  urgeatur.  Neque  enim  iucunda  est  occupatio,  ecclesiae  regimen,  in  qua  suaviter  nos  et  animi  gratia  exerceamus:  sed  dura  et  aspera  militia  (quemadmodum  prius  dictum  est),  Satana  quidquid  potest  negotii  nobis  subinde  facessente  et  omnem  lapidem  movente  ut  nos  turbet.  29.  Quis  infirmatur.  Quam  multi  sunt  qui  secure  praetereunt  omnia  scandala,  qui  fratrum  infirmitates  vel  despiciunt,  vel  pedibus  conculcant,  sed  hoc  inde  fit,  quod  nulla  ecclesiae  cura  tanguntur.  Nam  cura  certe  aujirccc&ecav  generat:  quae  facit  ut  omnium  affectus  in  se  suscipiat  Christi  9*