44:134  quam  prophetas  in  medium  producit.  Scimus  enim  quoties  Deus  poenas  exigit  de  contemptoribus  verbi  sui,  edere  perpetua  documenta,  quae  sacculis  omnibus  contineant  homines  in  officio.  Ergo  quamvis  iam  multa  saecula  effluxerint,  ex  quo  Deus  Sodomam  et  Gomorrham  evertit,  documentum  tamen  illud  adhuc  hodie  manet  et  retinet  usum  suum:  quia  speculum  est  ruina  Sodomae,  in  quo  hodie  perspicere  licet  Deum  esse  aeternum  mundi  iudicem.  Quum  ergo  intereunt  impii,  poenae  quas  Deus  sumpsit  de  illorum  sceleribus,  non  debent  una  speliri  cum  ipsis,  sed  manere  in  memoria  hominum.  Haec  ratio  est  cur  dicat,  Patres  quidem  vestri  mortui  sunt,  verum  est:  sed  quum  fuerint  tam  severe  castigati,  annon  debetis  hodie  etiam  proficere  sub  talibus  exemplis?  Deinde  prophetae  etiam  mei  sunt  mortui:  sed  hac  lege  volui  esse  praecones  doctrinae  meae,  ut  ipsis  etiam  mortuis  posteritas  agnosceret  me  semel  fuisse  loquutum:  quemadmodum  etiam  Petrus  secunda  epistola  (1,  15)  dicit  se  dare  operam  ut  doctrinae  memoria  vigeat,  ubi  ipse  migraverat  e  suo  tabernaculo.  Quamvis  ergo  tempus  meae  resolutionis  instet,  inquit,  tamen  quantum  in  me  est,  studeo  ut  memores  sitis  post  transitum  meum  huius  doctrinae.  Nunc  ergo  tenemus  quorsum  tendat  propheta.  Ideo  adiungit  continuo  post:  Atqui  verba  mea  et  statuta  mea  quae  mandavi  servis  meis  prophetis,  annon  apprehenderunt  patres  vestros?  Videmus  fuisse  modum  concessionis  in  proximo  versu:  nunc  autem  Deum  aperte  exprimere  quod  dixi:  quamvis  evanescant  homines,  vel  tollantur  post  exiguum  tempus  e  medio,  tamen  coelestem  doctrinam  semper  esse  stabilem,  et  retinere  suum  effectum.  Aliis  tamen  verbis  utitur  propheta,  Verba  mea  quae  mandavi,  inquit,  servis  meis  prophetis,  annon  apprehenderunt  patres  vestros?  hoc  est,  Debuitne  vobis  excidere  memoria  poenarum,  quibus  volui  et  vos,  et  filios,  et  nepotes  docere,  ne  iram  meam  provocaretis  sicuti  patres  vestri?  Quum  ergo  effectum  doctrinae  meae  senseritis  in  vestris  patribus,  cur  non  statuitis  apud  vos,  quum  idem  semper  sim,  non  posse  fieri  ut  hodie  verba  mea  frustra  diffluant,  et  careant  omni  effectu?  Nunc  ergo  videmus  ut  clare  discernat  propheta  verbum  Dei  a  natura  hominum:  quia  scilicet  Deus  non  proiicit  vanas  ampullas,  neque  efflat  sermonem  aliquem  sine  effectu,  sed  exsequitur  quidquid  mandavit  suis  prophetis.  Deinde  addit,  Reversi  sunt  et  dixerunt,  Sicuti  cogitaverit  Iehova  exercituum  facere  nobis  propter  vias  nostras,  et  opera  nostra,  ita  fecit.  Additur  hic  confessio,  quae  debebat  perpetuo  stimulare  Iudaeos,  quum  viderent  domitam  fuisse  patrum  suorum  pervicaciam  Dei  flagellis.  Verum  quidem  est  plurimos  quamvis  duriter  castigati  essent,  non  serio  resipuisse:  Deus  tamen  extorsit  illis  has  voces,  quod  merito  plecterentur.  Quum  ergo  coacti  fuerint  impii  ho-  9*