27:134  point  observe  l'alliance  de  Dieu:  voila  donc  tout  le  contract  qui  est  rompu:  Dieu  est  quitte,  il  n'est  plus  oblige,  d'autant  qu'il  y  a  une  condition  apposee.  Que  fait-il  donc?  Il  nous  envoye  un  Roy:  auquel  il  dit:  Ie  te  donneray  la  terre  pour  heritage.  U  use  des  propres  mots  qui  sont  ici  couchez  par  Moyse:  Ie  te  donneray  (dit-il)  la  terre  pour  ton  heritage,  depuis  le  desert  iusques  au  Liban,  et  depuis  Euphrates  iusques  k  la  grande  mer.  Et  a  qui  est-ceque  Dieu  donne  cela?  A  David  et  a  Salomon.  U  est  vray  qu'il  l'avoit  desia  donne  a  tout  le  peuple  :  mais  le  peuple  en  a  este  banni  par  sa  faute.  Et  ceci  a-il  este  toutesfois  pour  une  seule  personne?  a-ce  este  qu'il  y  eust  une  telle  dignite  en  David,  ni  en  Salomon,  que  Dieu  leur  voulust  donner  ce  qu'il  avoit  promis  a  toute  la  lignee  d'Abraham?  Nenni.  Mais  c'est  d'autant  qu'ils  estoyent  figure  de  nostre  Seigneur  Iesus  Christ.  Et  de  faict,  quand  les  Prophetes  veulent  certifier  le  peuple  de  l'estat  paisible  qui  leur  estoit  promis,  et  de  la  iouissance  de  ceste  terre,  ils  disent:  Ie  vous  susciteray  David.  Ainsi  donc  quand  Dieu  en  sa  Loy  a  indifferemment  offert  a  chacun  qu'il  desployeroit  ses  richesses  pour  les  maintenir  en  la  vie  presente,  c'est  comme  s'il  disoit:  Ce  que  i'ay  promis  de  donner  a  tous  les  peres  anciens,  vous  appartient,  voire  si  vous  m'obeissez,  voire,  et  non  point  seulement  en  partie,  mais  en  tout  et  par  tout.  Or  tant  s'en  faut  que  nous  puissions  nous  acquitter  d'un  tel  devoir,  que  nous  venons  a��  despiter  Dieu,  tellement  qu'il  faut  qu'il  se  declaire  nostre  ennemi.  Voila  tout  ce  que  nous  pouvons  gagner  en  l'observation  de  la  Loy,  voire  si  nous  voulons  nous  tenir  simplement  a  icelle,  comme  desia  nous  avons  dit.  Mais  voici  le  remede  second:  quand  nostre  Seigneur  Iesus  Christ  vient  en  avant,  et  qu'il  nous  tend  la  main  pour  nous  attirer  a  soy,  alors  nous  sentons  que  ce  n'est  point  sans  cause  qu'il  est  appelle  heritier  universel  de  tous  les  biens  de  Dieu  son  Pere.  Et  ce  n'est  point  pour  luy  qu'il  les  possede  :  car  il  est  d'une  mesme  essence  avec  Dieu  le  Pere,  il  a  este  le  Dieu  de  gloire  de  tous  temps.  Mais  en  ceste  chair,  et  en  nostre  nature  humaine  qu'il  a  vestue,  il  a  este  aussi  constitue  Roy  souverain,  et  l'empire  du  monde  luy  a  este  donne,  voire  tant  du  ciel  que  de  la  terre.  Quand  donc  nous  serons  entez  en  son  corps,  que  nous  serons  unis  avec  luy  en  perfection,  nous  recouvrerons  en  luy  ce  que  nous  ne  pouvons  pas  obtenir  par  nos  oeuvres  et  merites:  et  alors  nous  verrons  que  Iesus  Christ  estant  ressuscite  en  gloire,  nous  veut  attirer  apres  soy,  pour  nous  faire  participans  de  tout  ce  qu'il  a,  par  sa  bonte  gratuite.  Et  au  reste,  quand  cela  nous  est  mis  en  avant,  ce  n'est  point  qu'un  chacun  se  lasche  la  bride  a  mal  faire.  Il  nous  faut  noter  que  quand  Dieu  nous  reserve  a  soy,  pour  nous  mettre  en  9*