19:134  posuisti.  Sed  vide  memineris  quid  parenti  quoque  debeas,  et  ut  primo  quoque  tempore  hoc  facias  quum  licebit.  Volo  ut  frater  quoque  tuus  qui  istic  est  cum  uxore  veniat,  et  uxorem  quoque  tuam  quum  veneris  accersas,  quoniam  praesentibus  vobis  omnibus  meis  liberis  institui  testamentum  condere  et,  si  Deo  ita  videbitur,  mori.  Itaque  si  sororem  quoque  tuam,  quae  nunc  mihi  unica  filia  est,  possitis  e  monasterio  adducere,  gratum  mihi  officium  feceritis."  Haec  ille  totidem  verbis.  Itaque  secunda  huius  mensis20)  illuc  cogito,  et  qui  istuc21)  perferet  procerum  nostrorum  literas,  uxorem  quoque  meam  si  modo  ita  vobis  videbitur,  simul  ad  patrem  adducet,  ubi  tamen  non  puto  fore  ut  eam  aspiciam,  quoniam  necesse  ut  vicesima  decembris  hic  me  sistam  in  illo  quem  dixi  conventu.  Sed  de  his  plura  cras  scribam,  nec  fortassis  illam  expedit  de  profectione22)  praemoneri  ne  vani  rumores  spargantur.23)  3625.  VERMILIUS  CALVINO.  Iam  in  patria  feliciter  et  tuto  peracto  itinere  redux  varia  tradit  quae  res  in  Gallia  minus  laeta  fore  praesagiunt  (Ex  Epp.  vermilii  impressis  ad  calcem  Tomi  Loco.  theol.  ed.  1580,  f.  581.  ed.  1587,  p.  1144.)  Discessi,  vir  clarissime,  Lutetia  pridie  Kalend.  Novembris  et  intra  viginti  et  duos  dies  salvus  et  incolumis  Tigurum  perveni,  *)  deductus  admodum  tuto  ac  fideliter  a  duobus  militaribus  ducibus,  quos  vulgo  capitaneos  vocant,  pios  et  fortes  viros,  quibus  a  consulibus,  senatu  et  ministris  ecclesiae  non  vulgares  exhibiti  sunt  honores,  datique  sunt  eis  comites  itineris  usque  Bernam.  Quare  poterunt,  ut  illos  non  dubito  esse  facturos,  indicare  suis  principibus  20)  Sic.  Sed  Decembrem  voluisse  patet.  21)  Genevam.  22)  Muliebri  silentii  studio  diffidebat.  23)  Raec  ultima  plane  aliter  sonant  in  Apographo  God.  119,  fol.  94  v.  ubi  totum  hoc  P  S.  additum  est  epistolae  N.  3594;  ad  patrem  adducet  ubi  rogo  ut  te  nobis  conservet,  atque  una  tecum  fratres  et  amicos  omnes  plurimum  salvere  et  valere  iubeo.  Ex  Sangermano  tertio  Calendas  Novembris  Tuus  Beza.  Heri  demum...  et  sic  porro.  Qui  est  finis  epistolae  modo  laudatae  ridicula  librarii  oscitantia  cum  aliena  permixtus.  3625.1)  De  discessu  cf.  N.  3594.  3596.  3599.  De  adventu  a.  d.  xi.  Cal  Dec.  Schmidt  p.  273.