10.1:134  vueille  nantir,  il  ne  debvra  estre  constitue  prisonnier.  Cela  aussi  se  doibt  entendre  sinon  quil  y  eust  excuse  legitime  produicte  en1)  dabsence,  ou  de  maladie.  Et  ce  a  la  premiere  assignation.  Au  contraire  si  le  demandeur  ne  comparoissoit,  que  le  defendeur  obtienne  default  contre  luy,  et  soit  purement  libere  de  son  assignation.  Que  nul  ne  soit  releve  de  default,  sinon  quil  vint  devant  que  le  siege  fust  leve.  Tellement  quil  vienne  a  temps  pour  respondre  a  lassignation,  qui  aura  este  faicte,  et  se  represente  devant  le  iuge,  devant  lheure  que  la  iustice  se  doibt  lever.  Et  affin  que  cela  ne  soit  occasion  de  prolonger  les  causes,  que  devant  questre  releve,  il  iure  quil  ne  la  faict  pour  dellayer  ou  pour  frustrer  son  demandeur  mais  quil  est  venu  quant  il  a  peu.  Que  en  tel  cas,  si  le  temps  le  porte,  la  cause  soit  evocquee  derechef:  toutefois  si  le  demandeur  nestoit  la  present  ou  en  personne  ou  par2)  procureur,  que  ceste  evocation  ne  luy  tourne  en  preiudice,  pour  le  mectre  en  deffault:  mais  seulement  pour  lempescher  a  ce  quil  ne  puisse  lever  lettres  executoires  contre  sa  partie.  [fol.  5  9  r]  Davantaige  que  nul  ne  soit  receu  deux  fois  de  suite  a  telle  excuse,  mais  que  le  re-  Hef  soit  seulement  pour  un  coup.  De  ladiournement  des  tesmoings.  Que  incontinent  apres  que  le  terme  a  prouve  sera  donne,  la  partie  qui  aura  a  produire  tesmoings,  face  diligence  de  les  evocquer:  affin  que  lexamen  soit  faict  en  temps.  Et  que  ladiournement  se  face  avec  denonciation  expresse  que  cest  en  cas  de  tesmoignage.  Si  dadventure  celluy  quon  demande  pour  tesmoing  estoit  absent  ou  malade,  que  sa  femme  ou  aulcun  des  siens  le  vienne  exeuser  avec  serment  comme  dict  a  este.  Sil  ne  comparoit  ou  nest  excuse  a  la  premiere  .assignation,  quil  soit  assigne  pour  la  seconde  fois.  Et  si  lors  encor  il  a  faict  faulte,  que  lettres  compulsoires  soient  octroiees  a  la  partie  pour  le  contraindre  de  venir  devant  que  le  terme  soit  expire,  sur  peine  de  gaige  ou  demprisonnement.  Et  sii  souffre  quon  le  gaige,  quon  prengne  des  biens  aultant  que  le  principal  de  la  cause  pourroit  monter.  Sil  estoit  malade,  quil  y  ait  un  des  assistens  depute  pour  laller  examiner  en  sa  maison,  et  que  partie  adverso  soit  la  evocquee  a  le  voir  iurer,  comme  si  cestoit  a  la  banche.  1)  Probablement  r  auteur  a  voulu  ecrire:  en  cas.  2)  Bretschneider  :  en.  9*