7:133  133  CONTEE  LES  ANABAPTISTES.  134  en  l'epistre  aux  Hebrieux  des  anciens  peres,  qu'ilz  sont  decedez  en  foy,  n'ayant  point  receu  les  promesses,  mais  les  saluant  de  loin  et  se  confessans  estre  estrangers  sur  [page  173]  la  terre  (Hebr.  ll,  13).  Or  en  disant  cela,  ilz  signifient  qu'ilz  cherchent  leur  heritage  et  pais  naturel;  que  s'ilz  se  souvenoyent  de  celuy  dont  ilz  sont  sortis,  ilz  auroyent  puissance  d'y  retourner:  mais  ilz  en  appetent  un  meilleur,  c'est  a  dire,  du  ciel.  1)  Ce  passage  est  meschamment  despravo  par  eux,  par  faulses  gloses:  d'autant  qu'ilz  referent  cela  au  temps  present,  ou  l'Apostre  parle  du  temps  que  les  Patriarches  conversoyent  en  ce  monde.  Combien  que  quant  au  propos  ou  nous  sommes,  ie  suis  trescontent  d'accepter  leur  glose.  Ilz  arguent  ainsi,  que  si  Abraham  et  les  autres  peres  appetent  l'heritage  celeste,  ilz  ne  l'ont  pas  encore.  Ie  replique  au  contraire,  que  s'ilz  ont  quelque  desir,  ilz  vivent  donc  et  ont  sentiment  du  bien  et  du  mal.  Que  deviendra  la  dormi  tion?  *  Ainsi  on  voit  qu'ilz  se  contredisent  comme  petis  enfans.  Au  reste  ie  confesse  bien  que  l'Apostre  puis  apres  dict,  que  tous  les  peres  anciens  n'ont  point  encore  iouissance  de  ce  qu'ilz  ont  attendu  en  ce  monde:  d'autant  que  Dieu  a  ordonne  qu'ilz  ne  vinssent  point  a  leur  perfection  devant  nous  (Hebr.  l  l  ,  39.  40).  Et  c'est  ce  que  nous  disons,  que  toute  la  consolation  qu'ont  les  ames  fideles,  se  reduict  a  ceste  immortalite  glorieuse  en  laquelle  nous  serons  recueillis  tous  ensemble,  quand  Iesus  Christ  apparoistra  au  iugement.  [page  174]  Les  passages  que  ie  reciteray  doresenavant  monstreront  comme  ces  fantastiques  ramassent  toutes  les  cavillations  qu'ilz  peuvent,  voyre  impudemment,  pour  avoir  quelque  apparence  a  colorer  leur  erreur.  Si  les  ames,  disent  ilz,  estans  separees  des  corps,  vivent  avec  Dieu,  sainct  Pierre  faisoit  une  grand'  iniure  a  Thabita  en  la  ressuscitant,  veu  que  c'estoit  la  retirer  de  la  compagnie  de  Dieu,  et  de  la  vie  bien-heureuse,  pour  la  ramener  en  ceste  mer  de  misere  (Actes  9,  40).  Ie  respons  que  cest  argument  faict  autant  contre  eux,  que  contre  nous.  Oar  si  elle  donnoit  sans  sentir  aucun  mal,  on  pourroit  dire  que  ce  n'estoit  pas  son  profit  de  sortir  d'un  tel  repos,  pour  r'entrer  aux  combatz  de  la  vie  presente.  Ie  leur  pourrois  dire,  qu'ilz  me  respondissent  les  premiers  pour  me  soudre  cest  argument.  Mais  ie  say  qu'il  ne  faut  point  attendre  aucune  bonne  solution  d'eux.  Quant  a  nous,  la  response  est  facile.  Ce  que  dict  sainct  Paul  de  soy  est  commun  a  tous  fideles:  Assavoir  qu'il  nous  est  profitable  de  mourir,  et  que  c'est  nostre  meilleur  d'estre  avec  Christ  (Phil.  1,  23).  Et  toutes  foys  il  dit  que  Dieu  en  guerissant  Hepa-  1)  le  ciel  1566  suiv