6:138  CATECHISMUS  GENEVENSIS.  il  commande  que  tous  la  facions  a  son  exemple.  Or  il  avoit  faict  office  de  Ministre  pour  la  donner  aux  autres.  LE  MINISTRE.  Mais  les  Pasteurs  qui  sont  dispensateurs  des  Sacremens,  y  doyvent-ilz  admettre  sans  discretion,  tous  ceux  qui  s'y  presentent?  L'ENFANT.  Touchant  du  Baptesme,  pource  qu'auiourdhuy  on  ne  l'administre  qu'a  petis  enfans,  il  n'est  point  mestier  de  discerner.  Mais  de  la  Cene,  il  faut  bien  que  le  Ministre  regarde  de  ne  la  bailler  a,  un  homme  qu'on  eongnoist  en  estre  du  tout  indigne.  LE  MINISTRE.  Pourquoy?  L'ENFANT.  Pource  que  ce  seroit  polluer  et  deshonnorer  le  Sacrement.  LE  MINISTRE.  Mais  nostre  Seigneur  y  a  bien  receu  Iudas,  quelque  meschant  qu'il  fust.  L'ENFANT.  Son  iniquite  estoit  encores  cachee.  Et  combien  que  nostre  Seigneur  la  cogneust,  si  n'estoit  elle  pas  notoire  a,  tous.  LE  MINISTRE.  Que  sera  ce  donc  dos  hypocrites?  L'ENFANT.  Le  Ministre  ne  les  peut  exclurre,  comme  indignes:  mais  doit  attendre  que  le  Seigneur  ait  revele  leur  meschancete.  LE  MINISTRE.  Et  s'il  en  congnoit  quelqu'uns  indignes,  ou  qu'il  en  soit  adyerty?  L'ENFANT.  Cela  ne  suffit  point  pour  les  exclurre:  sinon  qu'il  y  ait  approbation  suffisante,  et  iugement  de  l'Eglise.  LE  MINISTRE.  Il  faut  donc  qu'il  y  ait  quelque  ordre  efc  police  sur  cela.  L'ENFANT.  Voire,  si  l'Eglise  est  bien  reiglee.  C'est  qu'on  depute  personnages  pour  veiller  sur  les  scandales,  qui  pourroyent  estre.  Et  que  iceux  en  l'authorite  de  l'Eglise,  interdisent  la  communion  a  ceux  qui  n'en  sont  nullement  capables,  et  ausquelz  on  ne  la  peut  donner  sans  deshonnorer  Dieu  et  scandaliser  les  fideles.