58:133  133  DE  IACOB  ET  ESAU.  134  C'est  qu'Isaac,  afin  que  la  promesse  qui  lui  a  este  donnee  lui  fust  plus  certaine,  et  qu'il  la  tinst  comme  authentique,  qu'il  ne  doutast  nullement  que  ce  estoit  Dieu  qui  avoit  parle,  il  a  eu  quelque  signe  et  quelque  marque,  ou  il  a  senti  qu'il  ne  pouvoit  pas  estre  frustre,  que  ce  n'estoit  point  un  fantosme,  ou  quelque  imagination  volage:  mais  que  Dieu  lui  vouloit  donner  un  appui  certain,  qu'il  lui  vouloit  donner  repos  tel  qu'il  peust  en  vertu  de  la  parole  qui  sera  puis  apres  aioustee,  batailler  contre  tout  le  mal  qui  lui  pouvoit  avenir.  Or  il  est  dit,  que  Dieu  l'a  exhorte  de  ne  craindre  point,  et  lui  a  donne  la  raison  pourquoy:  Ie  suis  avec  toy,  dit-U:  voire  moy,  le  Dieu  d'Abraham  ton  pere.  Quand  il  dit,  ne  crain  pas:  nous  avons  desia  expose  ci  dessus,  que  Dieu  ne  veut  pas  exempter  de  toute  crainte  ceux  ausquels  il  parle:  car  combien  que  les  Peres  aient  este  victorieux  contre  toutes  les  defiances  qui  leur  pouvoient  avenir,  si  est-ce  qu'ils  n'ont  point  este  insensibles.  Abraham  a  este  tente:  mais  il  n'a  pas  este  vaincu  pourtant.  Il  faut  donc  retenir  cela,  Que  ceux  qui  ont  este  victorieux  par  la  vertu  de  l'esprit  de  Dieu,  n'ont  pas  laisse  de  combatre.  Or  le  combat  ne  peut  estre  sinon  qu'il  y  ait  des  apprehensions.  Car  si  Abraham  n'eust  cognu,  Me  voici  en  danger:  iamais  il  n'eust  invoque  Dieu,  et  n'y  eust  point  eu  son  refuge:  s'il  n'eust  este  presse  de  ses  molestes  qu'il  enduroit,  il  n'eust  point  fait  ses  demandes  et  complaintes  a  Dieu  pour  en  estre  allege.  Ainsi  donc,  il  ne  faut  pas  penser  que  Dieu  ait  voulu  oster  toute  apprehension  a  ceux  ausquels  il  a  dit,  Ne  crain  point:  mais  c'a  este  pour  les  retenir  tellement  a  soy  qu'ils  ne  fussent  point  espouvantez  outre  mesure,  comme  nous  avons  accoustume  d'estre,  sinon  que  nous  ayons  nostre  appui  en  Dieu:  car  il  ne  faudra  qu'une  bouffee  de  vent  pour  nous  esbranler,  et  pour  estre  tellement  effarouchez,  que  nous  ne  saurons  de  quel  coste  nous  tourner:  comme  il  est  dit  qu'Achaz  a  este  effraye,  et  a  tremble  comme  une  fueille  en  l'arbre:  et  Isaie,  pour  remedier  a  ce  mal,  dit,  Tay  toy,  fai  silence  a  Dieu.  Et  c'est  le  stile  commun  de  l'Escriture  saincte.  Ainsi  donc,  voici  qu'emporte  ce  mot,  ou  il  est  dit,  Ne  crain  point:  C'est  combien  que  nous  ayons  occasion  de  craindre  et  d'estre  estonnez,  toutefois  que  nous  resistions,  et  que  nous  attendions  en  patience  que  Dieu  nous  secoure:  et  que  ceste  crainte  ne  soit  point  pour  nous  accabler,  que  nous  ne  soions  point  la  estouffez  du  tout  :  mais  que  nous  prenions  peine  a  nous  redresser  et  a  tenir  bon.  Et  encores  que  nous  soions  agitez  d'inquietude  ca  et  la,  nous  demeurions  tousiours  fermes  sur  nos  piez,  quand  nous  serons  fondez  sur  la  promesse  de