51:133  133  SUR  L'EPITRE  AUX  GALATES.  134  sainct  Esprit  en  benissant  ceux  qui  se  rengent  a  la  reigle  de  Dieu,  maudit  et  deteste  et  a  en  execration  tous  ceux  qui  s'esgarent  ainsi,  et  qui  ont  leurs  fantasies  pour  toute  Loy,  et  qui  veulent  avoir  liberte  de  suyvre  ce  que  bon  leur  semble,  et  qui  s'endurcissent  ainsi  contre  la  parole  de  Dieu.  Combien  donc  qu'ils  soyent  prisez  selon  le  monde  et  qu'eux  aussi  soyent  comme  enyvrez  en  leur  orgueil  et  presomption,  et  qu'ils  se  prisent  tant  et  plus,  si  est-ce  que  nous  voyons  que  Dieu  les  tient  tousiours  detestables.  Voila  donc  en  somme  ce  que  nous  avons  a  retenir,  c'est  qu'il  n'y  a  qu'une  seule  reigle,  laquelle  est  contenue  en  l'Evangile.  Et  ceste  reigle  la,  ou  nous  meine  elle?  C'est  a  scavoir  que  nous  n'apportions  point  a  Dieu  ce  que  nous  cuidons  estre  bon,  et  ce  que  nous  aurons  forge  en  nostre  teste,  mais  que  nous  soyons  assuiettis  pleinement  a  luy  et  a  sa  parole,  et  que  nous  cognoissions  aussi  d'autant  qu'en  Iesus  Christ  nous  avons  toute  perfection,  qu'il  nous  faut  contenter  de  luy  seul,  et  surtout  d'autant  que  nous  voyons  que  Dieu  nous  est  pitoyable  pour  avoir  merci  de  nous:  et  que  nostre  vie  sera  heureuse  et  benite  de  luy,  moyennant  que  nous  tendions  la  ou  il  nous  appelle.  Comme  au  contraire  il  faut  que  nous  soyons  maudits,  quelque  opinion  que  le  monde  ait  de  nous,  et  combien  qu'on  nous  applaudisse,  sinon  que  nous  ayons  ceste  reigle  de  laquelle  S.  Paul  parle  ici.  Or  il  adiouste  Vlsrael  de  Dieu  pour  monstrer  que  ceux  qui  servent  ainsi  a  Dieu  d'une  facon  spirituelle,  seront  tousiours  advouez  de  luy  pour  son  peuple.  Car  les  ennemis  de  sainct  Paul  (contre  lesquels  il  a  dispute  en  toute  ceste  epistre)  vouloyent  que  toutes  les  ceremonies  fussent  gardees,  et  que  c'estoyent  les  marques  de  l'Eglise  ce  leur  sembloit.  Comme  auiourd'huy  les  Papistes  veulent  qu'on  garde  le  chresme,  et  ceci  et  cela.  Or  les  ennemis  de  sainct  Paul  avoyent  plus  de  couleur  beaucoup  que  les  Papistes,  et  leur  cause  estoit  meilleure  sans  comparaison:  mais  tant  y  a  que  sainct  Paul  reiette  tout  cela,  et  dit  que  Dieu  ne  s'amuse  point  a  toutes  ces  choses.  Il  est  vray  que  des  figures  de  la  Loy  il  les  avoit  ordonnees  pour  un  temps,  et  elles  avoyent  aussi  leur  utilite,  d'autant  qu'elles  servoyent  d'admener  le  peuple  a  nostre  Seigneur  Iesus  Christ:  mais  maintenant  que  nous  avons  la  substance  et  verite  en  luy,  il  nous  faut  quitter  tout  cela.  Par  plus  forte  raison  donc  l'Israel  de  Dieu  ne  sont  pas  ceux  qui  se  monstrent  devant  les  hommes  avec  une  grande  pompe:  mais  ceux  qui  auront  une  vraye  marque  de  Dieu.  Car  quand  les  Papistes  nous  parlent  de  l'Eglise,  il  faudra  que  le  Pape  soit  la  avec  ses  trois  couronnes,  que  les  Evesques  soyent  desguisez,  pour  iouer  leur  farce,  qu'ils  soyent  la  comme  des  bestes  cornues,  que  tout  re-