27:133  133  SUR  LE  DEUTER.  CHAP.  XI.  134  ques  a  ce  que  le  royaume  ait  este  establi  en  la  personne  de  David.  Et  pourtant  il  ne  faut  point  alleguer,  comme  ces  bestes  de  Papistes  font:  O  comment?  voici  Dieu  qui  promet  ceci  et  cela,  si  nous  observons  ses  commandemens:  il  s'ensuit  donc  que  nous  gagnons  par  nos  merites  que  Dieu  nous  soit  propice,  que  nous  acquerons  le  royaume  de  paradis,  que  nous  pouvons  obtenir  salut  par  nostre  obeissance:  et  Dieu  regarde  de  rendre  a  chacun  selon  qu'il  l'a  desservi.  Us  monstrent  bien  que  iamais  ils  n'ont  entendu  une  seule  syllabe  de  l'Escriture  saincte.  Et  ce  passage,  sans  aller  plus  loin,  est  pour  monstrer  leur  bestise  et  ignorance.  Il  est  vray  que  Dieu  a  promis  a  son  peuple,  qu'il  iouiroit  de  la  terre  qu'il  luy  avoit  assignee:  mais  il  a  fallu  que  ceci  ait  este  differe  iusques  au  royaume  de  David.  Ainsi  notons  que  c'est  nostre  Seigneur  Iesus  Christ  qui  fait  que  les  promesses  de  la  Loy  ont  vertu  envers  nous,  et  que  nous  ne  serons  point  frustrez  de  ce  que  y  est  contenu.  Et  de  faict,  voila  pourquoy  ceste  promesse  notamment  est  donnee  a  David,  et  a  Salomon,  comme  au  paravant  elle  avoit  este  donnee  a  tout  le  peuple.  Et  ceci  est  encores  pour  mieux  esclarcir  la  doctrine  que  nous  venons  de  traitter.  Car  il  y  a  double  sorte  de  promesses  en  l'Escriture  saincte:  les  unes  sont:  Qui  fera  ces  choses,  il  vivra  en  icelles:  les  autres:  Qui  croira  au  Fils  que  le  Pere  a  envoye,  il  sera  sauve.  Voila  deux  promesses  qu'il  faut  bien  distinguer:  car  il  s'en  faut  beaucoup  qu'elles  soyent  semblables.  Quand  Dieu  dit:  Qui  fera  ces  choses,  il  ne  s'oblige  point  a  nous,  sinon  par  tel  si,  qu'un  chacun  s'acquitte  d'observer  sa  Loy:  et  non  seulement  en  partie,  mais  du  tout,  et  en  perfection.  Or  nul  ne  le  peut  faire:  nous  voila  donc  exclus  de  toute  esperance,  il  ne  faut  plus  que  nous  attendions  que  la  promesse  vaille  rien  pour  nous,  a  cause  de  nostre  faute:  car  Dieu  demeure  tousiours  fidelle,  mais  nous  ne  souffrons  pas  que  sa  bonte  parvienne  iusques  a,  nous.  Or  quand  il  voit  que  nous  sommes  ainsi  du  tout  privez  de  ses  biens,  il  trouve  un  autre  remede  nouveau:  c'est:  Voici  mon  Fils  qui  est  heritier  universel  et  du  ciel,  et  de  la  terre,  il  tient  tout  le  monde  sous  sa  main,  il  a  toute  plenitude  de  Divinite  enclose  en  soy,  mon  image  reluit  en  luy  en  toute  perfection,  laquelle  se  declaire  en  son  Evangile:  et  pourtant  ceux  qui  sont  membres  de  son  corps,  ceux-la  sont  faits  participans  de  tous  les  biens  qu'il  a  en  soy.  Voila  comme  les  promesses  auront  leur  effect  et  vertu  en  nous:  et  non  point  quand  nous  regarderons  simplement  a  la  doctrine  de  la  Loy.  Car  quand  Dieu  dit  la:  Ie  vous  donneray  la  terre:  a  qui  parloit  il?  A  tout  le  peuple:  mais  c'estoit  sous  ceste  condition:  Si  vous  faites  mes  commandemans.  Or  cela  a  este  aneanti.  Et  pourquoy?  Car  le  peuple  a  este  desloyal,  il  n'a