21:133  133  VITA  CALVINI.  134  tum  *)  nonnullis  sensim  ex  vulgo  atque  ex  primariis  civibus,  qui  papam  quidem  exuerant  Christum  vero  nomine  tenus  induerant,  odiosum  fuit.  Nonnulli  quoque  ex  iis  ministris,  qui  bonis  illis  eiectis  in  urbe  manserant  (quorum  tamen  praecipui  postea  flagitiorum  rei  turpiter  stationem  deseruerant),  etsi  testimonio  conscientiae  convicti  repugnare  non  audebant,  clanculum  tamen  obsistebant  seque  in  ordinem  cogi  non  facile  patiebantur.  Neque  vero  deerat  quod  huic  suae  improbitati  praetexerent,  aliarum  videlicet  ecclesiarum  exemplum,  in  quibus  nullus  esset  excommunicationi  locus.  Non  deerant  denique,  qui  papisticam  tyrannidem  sic  revocari  clamitarent.  Sed  has  difficultates  vicit  Calvini  constantia  cum  insigni  moderatione  coniuncta:  qui  quum  ex  sacris  literis  non  doctrinae  modo  verum  etiam  administrationis  ecclesiasticae  petendam  esse  rationem  demonstrasset,  et  doctissimorum  eius  saeculi  hominum,  veluti  Oecolampadii,  Zuinglii,  Zuichii,  Philippi,  Buceri,  Capitonis,  Myconii  sententiam  ex  ipsorum  scriptis  ostendisset,  nec  propterea  damnari  ecclesias  ipsas  tanquam  non  christianas,  quae  eousque  nondum  promovissent2)  vel  eos  pastores  qui  suos  greges  eo  fraeno  non  indigere  existimarent:  denique  demonstrasset  quantum  inter  papisticam  tyrannidem  et  iugum  Domini  [fol.  II  5]  interesset,  obtinuit3)  facile  ut  ecclesiasticae  politiae  leges,  quibus  etiamnum  utitur  haec  ecclesia,  summo  consensu  conscriptae  perlectae  populique  suffragiis  probatae4)  XX.  Novembris  reciperentur.  Haec  etsi  feliciter  erant  coepta,  tamen  quum  non  sine  difficultate  re  ipsa  usurpari  posse  consideraret  Calvinus,  totus  in  eo  erat  ut  et  Viretum,  quem  ad  tempus  duntaxat  aliquod  concesserant  Bernenses,  et  Farellum,  quem  Neocomenses  5)  eiectum  exceperant,  collegas  perpetuos  haberet:  sed  hoc  frustra  tentavit.  Vireto  mox  Lausannam  reverso,  Farello  vero  Neocomi  permanente,  ut  restitutae  huius  ecclesiae  laudem6)  paene  solus  reportaret.  Anno  sequente7)  Calvinum  non  pauca  exercuerunt.  Ut  enim  quae  domi  urgebant  praeteream,  instabat  tum  foris  etiam  inflammatus  hostium  evangelii  furor,  multos  ex  Gallia  et  Italia  in  vicinam  et  celebris  iam  nominis  urbem  extrudens,  quibus  consolandis  omnisque  officii  genere  reficiendis  mirum  quanto  studio  sese  iam  tum  impenderit:  ut  eos  1)  adeo  ante  probatum  om.  recenti.  2)  quae  alia  non  multum  diversa  ratione  rebelles  coercerent  edd.  rece.  3)  Ed.  princeps  male:  abstinuit.  4)  probatae  om.  rece.  5)  eaedem  add.  uti  diximus.  6)  add.  Calvinus.  7)  MDXLII.