10.1:133  ORDONNANCES.  nement  vaillable,  tant  au  domicille  de  celluy  quon  evocquera  comme  a  sa  personne.  Au  reste  sil  estoit  absent  ou  malade  ou  quil  eust  quelque  aultre  empeschement  legitime  :  que  sa  femme  ou  aulcun  des  siens,  soit  son  domesticque  ou  amy,  comparoisse  a  lassignation  pour  lexcuser.  Mais  devant  que  ce  faire  quil  soit  admis  a  serment,  que  lexcuse  quil  alleguera  sera  vraye.  Des  deffauite.  Sil  ny  a  point  dexcuse  produicte,  et  que  laction  soit  ordinaire,  pour  debte,  ou  pour  aultre  cause  non  reservee  en  ce  qui  sera  dict  puis  apres:  et  quelle  soit  entre  deux  bourgeois:  encore  que  celluy  quon  aura  evocque  ne  comparoisse,  il  fauldra  que  1e  demandeur  le  face  assigner  iusque  a  la  troiziesme  fois  devant  que  obtenir  default.  Si  lors  il  ne  comparoit,  et  quil  ny  ait  nulle  excuse  mise  en  avant:  que  lettres  soient  decernees  pour  le  gaiger  en  ses  biens  iusque  a  fournir  la  somme  que  la  cause  montera:  Et  sil  ne  vouloit  nantir  entre  les  mains  du  sergent,l)  ou  bien  quil  ny  eust  point  en  la  maison  a  prendre  pour  fournir  Iad.  somme,  que  lors  en  default  de  biens  on  se  prengne  a  sa  personne,  et  quil  soit  constitue  prisonnier.  Toutefois  que  au  cas  quil  souffre  que  sa  maison  soit  visitee,  et  quon  emporte  ce  quon  y  trouvera,  quon  ne  le  tire  point  dehors  pour  le  mectre  en  prison:  mais  seulement  quant  ii  en  seroit  sorty.  Que  telles  lettres  soient  incontinent  executees,  sinon  quil  y  eust  opposition.  Auquel  cas  le  sergent  remectera  encore  la  partie  au  iour  prochain  par  devant  le  lieutenant:  en  paiant  tous  despens  des  assignations,  lettres  et  executions  dicelles.  Aultrement  il  procedera  oultre  nonobstant  opposition  quelquonque.  [fol.  58V]  Que  si  le  d.  opposant,  apres  avoir  este  ainsi  remis  ne  comparoissoit  a  ceste  premiere  assignation,  lors  que  lettres  soient  concedees  au  demandeur,  pour  ladiourner  precisement.  Ausquelles  sil  nobeissoit,  que  prinse  de  corps  soit  decernee  contre  luy,  pour  tenir  prison  iusque  en  fin  de  payement.  S  i  cest  un  estranger  qui  face  assigner  un  bourgeois,  affin  dy  proceder  plus  sommairement,  quil  demande  si  bon  luy  semble  adiournement  precis  au  lieutenant.  Si  le  bourgeois  ne  comparoit  au  iour,  qui  luy  est  assigne,  que  deffault  soit  decerne  contre  luy,  et  quant  et  quant  lettres  executoires  pour  le  gaiger  en  ses  biens,  ou  le  prendre  en  sa  personne  par  faulte  de  fournir  biens.  Car  en  cas  quil  1)  Calvin  avait  d'abord  ecrit:  quil  entre  en  la  maison  pour  prendre  et  saisir,  mais  ces  mots  sont  effaces.