9:132  parle,  desquels  il  voudroit  bien  tenir  la  clef  sans  registres,  pour  mieux  gouster  l'utilite  qu'il  prise  tant,  parce  qu'il  en  a  flaire  de  loin,  ou  seulement  leche  comme  les  gens  de  son  estat.  Au  reste,  il  n'a  pas  este  question  d'abolir  la  confesse  Papale  entre  nous,  pour  les  abus  qui  s'y  commettent:  mais  pource  que  c'est  en  sa  propre  substance,  origine  et  integrite,  une  corruption  insupportable.  Qui  plus  est,  ce  vilain,  sans  y  penser,  se  couppe  la  gorge,  se  raocquant  de  ce  que  nous  remettons  a  la  mort  et  passion  de  Iesus  Christ  ce  qu'il  attribue  aux  menus  fatras  que  le  monde  s'est  forge  pour  satisfaction.  Et  combien  que  ce  blaspheme  soit  par  trop  commun  en  la  Papaute,  il  est  si  beste  qu'il  ne  le  sait  colorer  a  leur  facon.  Tant  y  a,  quelque  semblant  qu'il  face  d'estre  marri,  si  eust-il  bien  voulu  que  la  confesse  n'eust  pas  este  si  estroittement  requise  ici:  car  il  y  a  este  examine  plus  qu'il  ne  vouloit,  non  pas  pour  luy  faire  honte,  ce  qui  n'est  possible  a  un  front  tant  endurci,  mais  pour  le  faire  desnicher,  a  fin  de  ne  point  abuser  ceste  Eglise.  Il  se  ravise  en  la  fin,  et  amene  comme  en  ma  personne  Ie  tesmoignage  de  l'Escriture  pour  abattre  la  confession:  c'est  qu'il  n'ya  que  Dieu  qui  pardonne  les  pechez.  Ie  confesse  que  ceste  raison  viendra  bien  en  conte,  mais  non  pas  si  cruement.  Car  en  disant  que  la  puissance  que  Dieu  a  luy  seul  de  remettre  les  pechez,  oste  j  toute  authorite  aux  hommes  d'en  faire  loy  a  leur  plaisir:  ceste  beste,  ne  sachant  a  quel  propos  les  choses  se  disent,  iette  les  propos  rompus  a  la  voilee,  ')  et  cependant  n'a  pas  le  sens  de  distinguer  comment  Dieu  pardonne  seul  les  pechez,  et  toutesfois  a  donne  puissance  aux  hommes  de  les  pardonner,  a  savoir,  qu'en  se  reservant  l'authorite,  il  a  commis  le  ministere  aux  hommes.  Bref,  par  sa  bestise,  il  empire  de  beaucoup  la  cause  des  Papistes,  laquelle  de  soy  n'est  que  trop  mauvaise.  Or,  il  n'est  pas  question  entre  nous  si  l'office  de  remettre  les  pechez  est  donne  aux  hommes,  ce  que  nous  confessons,  comme  le  texte  le  porte.  Mais  le  noeud  de  la  matiere  est,  comment  et  en  quelle  sorte  les  successeurs  des  Apostres  remettent  les  pechez:  si  c'est  en  faisant  une  croix  sur  le  dos,  ou  en  testifiant  tant  en  public  qu'en  particulier  aux  povres  pecheurs  qu'ils  sont  reconciliez  a  Dieu.  Sur  cela  qu'on  regarde  la  prattique  des  Apostres  et  comment  ils  en  ont  use,  et  la  question  sera  tantost  solue.  Si  quelcun  combattoit  contre  ceste  puissance  qui  a  este  donnee  de  Iesus  Christ,  a  bon  droit  il  seroit  condamne  comme  faisant  la  guerre  a  Dieu.  Voyla  pourquoy  Dieu  print  la  querelle  de  Moyse  tores  confessionarii  quorum  exemplo  Cathalanus  cuperet  sibi  permitti  impune  hanc  pecuniam  tractare.  1)  hic  brutum  istud  pecus  insurgit,  quid  latret  ignorans.