8:132  iamais  detournez  de  quelque  facon  que  ce  soit  Que  si  nous  voyons  beaucoup  de  gens  qui  taschent  de  nous  divertir  du  droit  chemin,  fuyons  telles  pestes,  que  nous  ne  soyons  adioincts  a  tels  moqueurs  de  Dieu.  Quant  a  moy,  ie  proteste  que  moyennant  la  grace  de  Dieu,  ie  ne  m'y  adioindray  point  Et  de  cela  ie  vous  admonneste  aussi  tous  au  Nom  de  Dieu,  que  nous  nous  separions  tous  de  leur  compagnie,  afin  que  nous  ne  soyons  point  divertis  par  leurs  mauvaises  conversations  et  par  leurs  blasphemes,  de  la  purete  de  la  parole  de  Dieu  et  de  sa  saincte  doctrine:  mais  que  nous  y  perseverions  tous  iusques  a  la  fin.  M.  IEAN  FABRI.  [page  98]  Mes  freres,  ce  qui  a  este  dit  tant  du  frere  qui  a  propose,  que  par  les  autres  qui  ont  deo  ta  parle,  est  tres-suffisant;  toutesfois,  d'1  autant  que  ce  presomptueux  brouiilon  a  amene  une  fausse  doctrine,  disant  que  nostre  salut  est  fonde  sur  nostre  franc  arbitre,  et  dit  que  nous  ne  pouvons  pas  estre  sauvez,  si  non  qu'ayons  une  liberte  en  nous  par  laquelle  nous  recevons  la  foy,  et  que  cela  procede  de  nous  et  non  pas  de  Dieu,  ei  que  Dieu  ne  fait  point  plus  de  graces  aux  uns  qu'aux  autres,  i'adiousteray  seulement  une  authorite  de  sainct  Paul,  prinse  au  chapitre  onzieme  des  JRomains,  auquel  lieu  sainct  Paul  allegue  Esaye  au  cinquante-neufieme  chapitre,  et  dit  la:  Celuy  qui  fait  delivrance  viendra  de  Sion,  et  ost  era  l'infidelite  de  Iacob,  et  auront  de  par  moy  ceste  alliance,  que  i'osteray  leurs  pechez.  (Rom.  11,  26.  27;  Esaye  59,  20.  21.)  Ils  sont  ennemis  selon  T  Evangile  a  cause  de  vous,  mais  ils  sont  bien-aimez  selon  l'election,  a  cause  des  peres.  (Rom.  11,  28.)  Voila  une  sentence  [page  99]  en  laquelle  sainct  Paul  monstre  que  l'infidelite  est  ostee  par  celuy  qui  fait  delivrance;  que  les  pechez  sont  aussi  ostez  par  celuy  qui  viendra  de  Sion,  qui  est  nostre  Seigneur  Iesus  Christ.  Ce  n'est  pas  donc  le  franc  arbitre.  Et  celuy  qui  a  avance  ceste  doctrine,  qu'il  mette  en  avant  pour  un  liard  du  sien,  et  qu'il  se  delivre  de  cest  erreur,  auquel  il  est  plonges  Puis  qu'ainsi  est  que  nous  nous  pouvons  delivrer  par  nostre  propre  vertu,  et  par  nostre  franc  arbitre,  voire  et  sans  venir  a  Iesus  Christ,  que  nous  nous  pouvons  (di-ie)  desvelopper  de  tant  d'empeschemens  qui  nous  retiennent,  que  nous  ne  pouvons  pas  approcher  de  Dieu,  que  cestuyci  se  delivre  de  son  ignorance  et  de  ses  erreurs!  Cependant  nous  voyons,  comme  i'ay  desia  dit,  que  c'est  nostre  Seigneur  Iesus  Christ  qui  nous  delivre  de  nostre  infirmite:  c'est  par  son  moyen  que  nous  sommes  agreables  a  Dieu  son  Pere:  comme  aussi  c'est  luy  qui  moyenne  entre  luy  et  nous  pour  nous  y  faire  trouver  grace.  Or  ceste  grace  n'est  point  faite  a  tous  [page  i  oo].