6:132  plius  usum  inter  nos  haberet  coena:  quae  sublevandae  nostrae  imbecillitati  adminiculum  esse  debet  ac  [fol.  81]  imperfectionis  subsidium.  MINISTER.  Nullumne  praeterea  alium  finem  propositum  habent  duo  haec  sacramenta?  PUER.  Sunt  etiam  professionis  nostrae  notae  et  quasi  tesserae  quaedam.  Illorum  enim  usu  fidem  apud  homines  nostram  profitemur,  et  testamur  nos  unum  habere  in  Christo  religionis  consensum.  MINISTER.  Si  quempiam  contingeret  eorum  usum  aspernari,  quo  loco  habendus  esset?  PUER.  Haec  vero  obliqua  esset  Christi  abnegatio.  Certe  qui  talis  est,  quum  se  christianum  confiteri  non  dignetur,  indignus  est,  qui  inter  christianos  censeatur.  MINISTER.  Satisne  est,  in  totam  vitam  utrumque  semel  recepisse?  PUER.  Usque  adeo  sufficit  unus  baptismus,  ut  repetere  fas  non  sit.  Coenae  autem  diversa  est  ratio.  MINISTER.  Quod  est  discrimen  illud?  PUER.  Per  baptismum  nos  adoptat,  et  in  ecclesiam  suam  allegit  Dominus,  ut  pro  domesticis  nos  exinde  habeat.  Postquam  nos  adscripsit  in  numerum  suorum,  per  coenam  testatur,  de  nobis  continenter  alendis  curam  se  habere.  MINISTER.  Promiscuene  ad  omnes  pertinet  tam  baptismi  quam  coenae  administratio?  PUER.  Eorum3)  quibus  mandatum  est  publicum  docendi  munus,  propriae  sunt  istae  partes.  Sunt  enim  res  inter  se  perpetuo  nexu  coniunctae,  pascere  ecclesiam  salutis  doctrina,  et  sacramenta  administrare.  MINISTER.  [fol.  82]  Possisne  mihi  scripturae  testimonio  id  comprobare?  PUER.  Baptisandi  quidem  mandatum  Christus  peculiariter  apostolis  dedit.  In  coenae  celebratione  exemplum  suum  iussit  nos  sequi.  Referunt  autem  1)  perfection  1548.  2)  Le  55.  dimanche.  .  A  qui  appartient  de  baptiser,  et  administrer  la  Cene.  .  La  Cene  a  qui  ne  doibt  estre  baillee.  .  Pourquoy  Iudas  a  este  receu  a  la  Cene.  3)  Nequaquam,  sed  eorum  1563.  1576  seqq.