52:132  ecclesia  loquitur,  meminerimus,  in  una  familia  prae��  scribi  quales  esse  deceat  omnes  Christianorum  familias:  nempe  ut  totidem  sint  parvae  ecclesiae.  Quare  sciat  unusquisque  hoc  sibi  impositum  esse  onus,  ut  domum  suam  erudiat  in  timore  Domini,  contineat  sub  sancta  disciplina,  denique  ecclesiae  imaginem  illic  formet.  16.  In  Laodicensium  ecclesia  legatur.  Ergo  utcunque  inscripta  esset  Colossensibus,  debuit  tamen  aliis  prodesse.  Idem  et  de  omnibus  epistolis  sentiendum.  Certis  quidem  ecclesiis  semel  fuerunt  scriptae:  sed  quia  perpetuam  doctrinam  continent,  et  communem  saeculis  omnibus:  nihil  refert  qualem  habeant  titulum.  Argumentum  enim  ad  nos  pertinet.  Alteram  epistolam,  cuius  simul  facit  mentionem,  falso  putarunt  a  Paulo  scriptam  esse.  Bis  autem  hallucinati  sunt  qui  Paulum  arbitrati  sunt  ad  Laodicenses  scripsisse.  Non  dubito  quin  epistola  fuerit  ad  Paulum  missa,  cuius  lectio  utilis  esset  Colossensibus  :  ut  solent  urbes  vicinae  multa  habere  inter  se  communia.  Impostura  autem  nimis  crassa  fuit,  quod  nebulo,  nescio  quis,  hoc  praetextu  epistolam  supponere  ausus  est  adeo  insulsam,  ut  nihil  a  Pauli  spiritu  magis  alienum  fingi  queat.  17.  Dicite  Archippo.  Quantum  coniicere  licet,  hic  Archippus  interea  dum  aberat  Epaphras,  pastoris  vices  obibat.  Forte  autem  non  erat  talis  ut  per  se  satis  esset  strenuus,  nisi  excitaretur.  Vult  ergo  ipsum  Paulus  totius  ecclesiae  cohortatione  animari  in  melius.  Poterat  ipse  privato  suo  nomine  eum  admonere:  sed  has  partes  Colossensibus  iniungit,  ut  sciant  stimulos  a  se  quoque  ipsis  addendos  esse,  si  frigidum  vicieaot  suum  pastorem,  et  pastor  ipse  non  recuset  ab  ecclesia  moneri.  Eximia  enim  potestate  praediti  sunt  verbi  ministri,  sed  quae  legibus  soluta  non  sit.  Ideo  se  dociles  praebeant  necesse  est,  si  volunt  alios  probe  docere.  Quod  Paulus  rursum  sua  vincula  commendat,  eo  significat  se  non  leviter  laborare.  Erat  enim  memor  humanae  infirmitatis:  ac  quasdam  procul  dubio  eius  punctiones  in  se  sentiebat,  quum  tantopere  flagitaret  ut  omnes  pii  suae  angustiae  memores  essent.  Caeterum  non  est  hoc  signum  diffidentiae,  quum  praesidia  a  Domino  sibi  destinata  undique  accersit.  Manus  subscriptio,  ut  alibi  visum  est,  significat  tunc  iam  supposititias  epistolas  volitasse,  ut  fraudi  occurrere  necesse  fuerit