51:132  soyent  des  chemins  tortus  et  obliquos,  et  que  Dieu  cependant  pervertist  sa  reigle,  et  qu'il  fust  ployable  pour  flechir  selon  leurs  fantasies.  D'autant  plus  donc  nous  faut-il  bien  observer  ce  qui  est  ici  dit,  c'est  a  scavoir  que  les  hommes  auront  beau  se  tormenter:  mais  que  si  faut-il  que  la  reigle  de  Dieu  demeure,  et  qu'elle  ait  son  cours  et  aille  son  train.  Et  quelle  est  ceste  reigle?  C'est  qu'il  nous  suffise  d'avoir  la  perfection  telle  que  nostre  Seigneur  Iesus  nous  la  monstre  en  son  Evangile,  non  pas  qu'elle  puisse  estre  du  tout  en  nous:  mais  il  nous  y  faut  tendre.  Car  quand  nous  parlons  de  perfection,  ce  n'est  pas  a  dire  que  nous  y  parvenions  durant  nostre  vie:  mais  c'est  qu'il  ne  faut  point  flechir  ni  d'un  coste  ni  d'autre,  ni  a  dextre  ni  a  gauche,  que  nous  tendions  tousiours  au  but  que  Dieu  nous  monstre.  Voila  donc  comme  il  nous  faut  estre  nouvelles  creatures,  c'est  a  dire  renoncans  a  noua-mesmes,  nous  dedier  pleinement  a  Dieu.  Or  puis  qu'ainsi  est,  avisons  de  nous  renger  a  ceste  reigle  et  de  nous  y  conformer:  car  chacun  levera  incontinent  les  iambes  et  les  pieds:  mais  ce  sera  pour  discourir  et  d'un  coste  et  d'autre:  et  a  fin  que  nous  n'errions  point,  que  nous  apprenions  de  nous  tenir  du  tout  a  ce  que  Dieu  nous  monstre  et  nous  enseigne  par  sa  parole.  Or  quand  sainct  Paul  prononce  qu'a  ceux-la  sera  paix  et  misericorde,  c'est  pour  nous  declarer  que  nous  pourrons  despiter  tout  le  monde,  combien  que  nous  soyons  condamnez  par  la  folie  des  hommes,  ce  nous  doit  estre  tout  un,  allons  nostre  train,  moyennant  que  Dieu  nous  approuve,  que  cela  nous  suffice.  Car  de  faict  nous  monstrons  que  nous  ne  luy  rendons  pas  l'honneur  qui  luy  est  deu,  quand  nous  sommes  ainsi  esbranlez  par  les  fols  iugemens  du  monde,  et  les  opinions  qu'on  seme  de  nous.  Si  on  dit,  ceux-la  ne  se  gouvernent  pas  bien,  et  que  nous  en  soyons  faschez,  et  nous  vueillon8  nous  conformer  a  l'appetit  de  chacun,  il  est  certain  que  nous  declinerons  cependant  de  Dieu.  Ainsi  donc  notons  bien  ce  qui  est  ici  prononce  par  sainct  Paul,  c'est  a  scavoir  que  si  les  hommes  nous  condamnent,  s'ils  trouvent  a  redire  en  ce  que  nous  faisons  (comme  il  est  certain  que  iamais  le  monde  ne  s'accordera  avec  Dieu)  toutesfois  que  cela  ne  nous  soit  rien,  et  qu'il  nous  suffise  que  Dieu  nous  a  benit,  et  qu'il  nous  presente  ici  toute  felicite  sous  ce  mot  de  paix,  et  qu'il  nous  monstre  qu'il  aura  pitie  de  nous,  quelques  miserables  que  nous  soyons:  combien  qu'on  nous  pourra  cracher  au  visage:  combien  qu'on  ne  voye  pas  en  nous  telles  vertus  qu'il  seroit  bien  requis,  toutesfois  si  nous  tendons  a  Dieu,  nous  le  trouverons  tousiours  pitoyable  pour  supporter  nos  infirmitez  et  pour  secourir  a  toutes  nos  miseres.  Quand  nous  aurons  cela,  ce  nous  doit  estre  assez:  mais  a  l'opposite  cognoissons  que  le