44:132  ergo  iam  multis  saeculis  grassatus  fuerat  contemptus  doctrinae  apud  Iudaeos:  et  impietas  illa  non  erat  tam  abominabilis  ut  decebat,  quum  putarent  se  esse  quasi  in  perpetua  possessione,  haec  ratio  est  cur  diserte  exprobret  propheta  spretum  iam  olim  fuisse  verbum  Dei  in  illa  gente.  Clamarunt  igitur  prophetae  superiores.  Deinde  rursus  culpam  et  crimen  eorum  exaggerat,  quod  Deus  saepe  ipsos  ad  se  revocaverit,  et  sine  profectu.  Si  tacuissent  prophetae,  ac  Deus  nullum  remedium  adhibuisset  eorum  defectioni,  non  erat  quidem  excusabilis  eorum  ingratitudo:  sed  quum  subinde  venirent  prophetae,  et  alii  aliis  succederent,  et  quisque  studeret  revocare  ad  salutem  perditos  illos  homines,  multo  atrocius  fuit  crimen,  non  attendere  ad  sanctas  illas  et  pias  admonitiones,  quibus  palam  erat  Deo  curae  esse  ipsorum  salutem.  Et  hinc  colligimus,  ubi  videmus  propensam  esse  aliquam  gentem  ad  hoc  vel  illud  vitium,  insistendum  esse  maiore  studio:  quia  Satan  hoc  artificio  semper  fere  utitur,  dum  videt  nos  ad  hoc  vel  illud  vitium  propensos  esse,  ut  illuc  etiam  intendat  omnes  suos  conatus  ad  nos  praecipitandos��  Quoniam  ergo  iam  longo  tempore  contempti  fuerant  prophetae  apud  Iudaeos,  haec  ratio  est  cur  data  opera  hic  producat  Zacharias  in  medium  contumaciam  illam,  quae  nimis  diu  cognita  fuerat.  Clamarunt  ergo  superiores  prophetae  dicendo,  Sic  dicit  Iehova  exercituum,  Bevertimini  quaeso  a  viis  vestris  malis  et  ab  operibus  vestris  malis:  non  autem  audierunt,  neque  attenderunt  Hic  postquam  loquutus  est  de  humana  illa  Dei  invitatione,  quae  singulare  erat  pignus  amoris  eius,  quum  hoc  modo  ostenderet  se  sollicitum  esse  de  ipsorum  salute:  ex  opposito  ostendit  quam  indigne  se  gesserint  Iudaei,  quia  scilicet  pervicaciter  repudiarunt  illam  Dei  gratiam.  Convicti  quidem  erant  satis  et  super  suorum  scelerum.  Nam  quum  dicit,  Bevertimini  quaeso  a  viis  vestris  malis,  et  operibus  vestris  malis,  sumit  pra  confesso  iustas  fuisse  obiurgationes:  caeterum  docet  tamen  non  audivisse.  Ergo  minus  tolerabilis  fuit  eorum  pervicacia,  quod  iam  a  se  ipsis  damnati  noa  tamen  resipuerint,  neque  dignati  fuerint  aurem  praebere  Deo.  Et  ideo  subiicit  verbum  illud  quod  non  attenderunt:  quia  melius  hac  repetitione  exprimitur  non  modo  socordia,  sed  vesanus  quidam  furor,,  quod  ita  reiecerant  Deum,  et  quasi  ianuam  clauserant  eius  gratiae,  quasi  data  opera  vellent  procul  ipsum  abigere,  ne  ad  ipsos  accederet.  5.  Patres  vestri  ubi  sunt?  et  prophetae  an  m  perpetuum  vivent?  6.  Atqui  verba  mea  et  statuta  mea  quae  mandavi  servis  meis  prophetis,  annon  apprehenderunt  patres  vestros  ?  et  reversi  sunt,  et  dixerunt,  Sicuti  cogitaverat  Iehova  exercituum  facere  nobis  secundum  vias  nostras,  et  opera  nostra,  ita  fecit  nobiscum.