9:131  131  REFORMATION  132  forest  Quant  a  ce  qu'il  dit,  que  i'appren  a  tromper,  il  faudroit  que  ie  seusse  le  mestier:  mais  loue  soit  Dieu  que  ie  n'ay  trompe  creature  du  monde  en  ma  vie.  Seulement,  quelque  despit  qu'en  ait  messire  Antoine,  si  faut-il  que  l'advertisse  qu'on  ne  se  laisse  tromper.  Il  vient  puis  apres  a  la  confession  auriculaire,  se  plaignant  que  ie  di  qu'elle  n'est  pas  necessaire,  pource  que  par  icelle  beaucoup  de  secrets  se  revelent,  qui  apres  sont  cause  de  paillardises,  trahisons  et  semblables  maux.  En  ceci  voit-on  que  ce  rustre  trousse  ses  quilles,  voyant  bien  qu'il  n'y  a  plus  d'escot  franc  pour  luy,  *)  quand  il  eust  brouillasse  encore  une  demi-fueille  de  papier.  Car  ma  doctrine  porte,  touchant  la  confession  Papale,  non  pas  simplement  que  pour  les  inconveniens  qui  en  proviennent,  il  soit  bon  de  la  laisser;  mais  en  premier  lieu,  que  la  loy  qui  en  a  este  faite  est  diabolique,  pource  qu'il  n'est  pas  en  l'homme  mortel  d'imposer  loy  pour  lier  les  ames  et  les  assuiettir  sus  peine  de  peche  mortel.  Item,  puisque  Dieu  par  sa  Parole  offre  a  tous  pecheurs  grace  et  pardon,  se  reconciliant  a  eux  moyennant  qu'avec  humilite  et  repentance  ils  se  cognoissent  tels  qu'il  sont,  sans  adiousfer  nulle  queue  de  murmurer  en  l'aureille  d'un  Prestre,  ie  di  que  c'est  une  audace  trop  enorme  et  un  sacrilege  que  les  creatures  restraignent  a  leur  appetit  le  benefice  de  Dieu,  et  se  constituent  en  sa  place  pour  adiouster  une  condition  de  laquelle  il  n'a  iamais  parle.  Ie  di  outreplus,  que  ceste  loy  est  du  tout  impossible,  que  l'homme  confesse  une  fois  l'an  tous  ses  pechez,  et  par  consequent  qu'elle  ne  peut  sinon  abysmer  les  consciences  en  desespoir.  Ayant  traitte  et  deduit  ces  poincts,  i'entre  aux  inconveniens  qu'elle  a  apporte  au  monde.  Ie  recite  que  ce  n'a  este  que  depuis  bien  peu  de  temps  que  telle  tyrannie  a  este  introduite:  car  combien  que  la  superstition  regnast  desia,  si  est-ce  que  la  chose  estoit  laissee  en  la  liberte  et  devotion  de  chacun,  comme  on  dit.  Tellement  que  les  Papistes  ne  se  peuvent  vanter  en  cest  endroit  de  leur  anciennete,  dont  ils  font  si  grand  bouclier,  veu  que  le  Canon  ou  Decret  du  Concile  Lateran,  qu'ils  en  produisent,  a  este  forge  de  si  peu  de  temps.  Quant  a  tous  les  fruits  qu'il  allegue  revenir  de  la  confession,  il  est  si  sot  de  ne  voir  pas  que,  sans  se  confesser,  un  pecheur  gemira,  aura  honte  de  soy,  sera  humilie  et  abatu.  Car  nous  savons  combien  les  Prophetes  et  Apostres  ont  insiste  sur  la  repentance,  lesquels  toutesfoys  n'avoyent  pas  ce  beau  remede:  sans  lequel,  selon  messire  Antoine,  tout  est  perdu.  Mais  quoy?  il  ne  voit  pas  entre  nous2)  les  attrappe-deniers  dont  1)  vident  lectores  ad  summum  impudentiae  pervenisse,  quum  nullus  cibus  in  fauces  iniiciendus  appareat.  2)  Geneva  eiecti  sunt  crumenilegae  et  nummorum  expilail