8:131  131  CONGREGATION  132  Parquoy  j  mes  freres  et  soeurs,  soyons  sur  nos  gardes,  que  les  gens  qui  ont  beau  habil  ne  nous  puissent  abuser  par  leurs  paroles  non  seulement  vaines,  mais  aussi  blasphematoires  et  tresdangereuses.  Tenons  nous  a  la  pure  verite  de  Dieu,  et  cognoissons  qu'il  a  un  conseil  qui  n'est  point  muable,  et  que  ee  qu'il  a  determine  de  toute  eternite  s'accomplira,  et  n'y  aura  nulle  faute.  M.  IEAN  PERERY.  [page  95]  Mes  freres  et  soeurs,  nous  avons  icy  ouy  des  choses  que  nous  devrions  tellement  mediter,  que  quelque  tentation  qui  nous  peust  avenir  au  contraire,  fust  repoussee;  ce  qui  nous  sera  facile  de  faire  quand  nous  serons  persuadez  et  resolus  de  ce  qui  a  este  dit.  Neantmoins,  tout  ainsi  que  le  frere  parlant  dernier  a  dit  qu'il  nous  faut  estre  sur  nos  gardes,  de  peur  que  Satan,  par  les  meschans  qui  sont  ses  supposts,  ne  vienne  a  renverser  ce  fondement  sur  lequel  nous  devons  appuyer  nostre  foy,  aussi  nous  faut  il  souvenir  de  ce  que  sainct  Paul  dit,  quand  il  exhorte  les  fideles,  quel  moyen  ils  doivent  tenir,  quand  il  est  question  qu'une  fausse  doctrine  est  mise  en  avant  pour  s'eslever  contre  Dieu,  que  nous  ne  devons  point  seulement  avoir  en  execration  une  telle  doctrine,  mais  aussi  tous  ceux  qui  la  portent,  et  qu'on  les  doit  tenir  comme  maudits  de  Dieu.  Ie  suis  estonne,  comme  gens  qui  se  veulent  dire  sages,  a  la  seule  veue  d^un  [page  96]  homme  avolant  se  laissent  maistriser  comme  une  putain,  et  se  laissent  ainsi  abuser.  Car  ces  abuseurs  promettent  choses  qu'ils  n'ont  point:  ils  promettent  de  contenter  les  esprits  des  hommes,  et  eux-mesmes  sont  tellement  agitez  et  transportez  en  leurs  esprits,  qu'ils  ne  savent  ou  ils  sont:  Us  promettent  de  monstrer  a  Vhomme,  ce  que  tous  ensemble  ne  pourroyent  pas  comprendre.  Et  au  contraire  nous  savons  qui  il  est  dit,  que  quand  Vhomme  voudra  savoir  les  raisons  des  choses  que  Dieu  fait  sous  le  soleil,  qu'il  ne  les  trouvera  point.  Comment  donc  presumeronsnous  d'aller  au  conseil  de  Dieu  pour  y  prendre  ce  qu'il  veut  nous  estre  maintenant  cache?  Et  ainsi  nous  voyons,  que  ces  chiens  qui  viennent  ainsi  abbayer  contre  ceste  doctrine  ne  demandent  sinon  a  mener  tout  a  perdition.  Il  est  vray  qu'ils  feront  de  belles  professions  :  mais  gardonsnous  de  tels  trompeurs:  ils  ont  leurs  boittes  vuides,  cependant  il  nous  veulent  faire  croire  qu'il  y  a  merveilles  dedans.  Avisons  donc  de  nous  tenir  a  ce  que  nous  a  [page  97]  este  monstre  et  enseigne  de  Dieu,  pour  luy  rendre  Vhonneur  qui  luy  appartient  Et  puis  que  nostre  bon  Dieu  nous  a  icy  assemblez,  les  uns  de  cent,  les  autres  de  deux  cens  lieues,  et  que  nous  sommes  venus  pour  estre  instruits  en  sa  parole,  que  nous  monstrions  comment  nous  y  avons  profite,  et  que  nous  n'en  soyons