7:131  131  BRIEVE  INSTRUCTION  132  sont  incertaines,  si  l'homme  fidele  doit  estimer,  quand  il  est  en  adversite  et  tribulation,  que  Dieu  le  naisse?  Il  est  certain  que  non.  Car  la  promesse  luy  est  donnee,  que  c'est  pour  son  salut,  afin  qu'il  se  console,  et  se  resiouysse,  estant  asseure  que  la  tribulation  est  plustost  un  signe  de  l'amour  paternel  de  Dieu,  que  de  haine.  Mais  Salomon  parle  de  l'opinion  que  l'on  [page  169]  peut  avoir  selon  le  sens  humain.  Or  tout  homme  est  vanite.  Il  faut  donc  recourir  a  Dieu  et  a  sa  parolle.  Car  il  adiouste  puis  apres,  que  c'est  qu'il  advient  a  ceux  qui  demeurent  en  ceste  phantasie:  c'est  que  leur  cueur  est  remply  d'impiete  et  contemneinent  de  Dieu:  d'autant  qu'ilz  ont  ce  proverbe,  qu'un  chien  vivant  vaut  mieux  que  un  lyon  mort  (Eccl.  9,  4).  Or  luy  mesme  monstre  en  la  fin  du  livre  ce  qu'il  nous  faut  sentir  touchant  ce  poinct.  C'est  que  le  corps  s'en  retourne  en  terre,  qui  est  son  origine:  et  l'esprit  s'en  va  a  Dieu  qui  l'a  donne  (Eccl.  12,  7).  Principallement  ilz  se  fondent  sur  ce  que  l'escriture  dict,  que  nous  recevrons  au  dernier  iour  chacun  selon  ses  oeuvres.  Car  ilz  arguent  ainsi:  Puis  que  Dieu  nous  renvoye  au  dernier  iour,  quand  il  est  question  de  nostre  beatitude  et  de  la  vie  eternelle,  et  au  contraire,  quand  il  ne  menace  les  meschans,  il  leur  denonce  sa  vengeance  en  ce  iour  la,  il  faut  dire  que  iusques  alors,  les  bons  ne  recoyvent  point  leur  salaire,  et  les  mechans  ne  seront  point  puniz:  autrement  il  seroit  dit  sans  propos,  que  en  ce  iour  la  sera  sauve  le  peuple,  qui  se  trouvera  escrit  au  livre,  et  qu'il  sera  dict  aux  eleuz  de  Dieu:  Venez  posseder  le  Royaume  (Dan.  12,  1;  Matth.  25,  34).  Ilz  concluent  donc:  puis  que  nous  n'entrons  point  en  possession  de  nostre  salut,  iusques  [page  170]  au  iour  de  la  resurrection  derniere:  que  cependant  noz  ames  dorment,  et  qu'elles  n'ont  aucune  iouissance  de  leur  beatitude.  Ie  respond  que  ce  n'est  pas  une  bonne  consequence.  Car  encore  que  les  ames  ne  soyent  point  en  gloire,  il  ne  s'ensuit  point  qu'elles  ne  vivent  en  Dieu,  en  attendant  la  revelation  d'icelle.  Et  pour  plus  ample  solution  de  ce  passage,  qu'il  souvienne  aux  lecteurs  de  ce  que  i'ay  confesse  cy  dessus:  c'est  que  nostre  beatitude  est  tousiours  en  chemin,  iusques  a  ce  iour  la.  Il  n'y  a  nul  qui  n'accorde  que  la  perfection  de  nostre  beatitude  est,  que  nous  soyons  parfaictement  conioinctz  avec  Dieu.  Et  c'est  le  but  ou  nous  renvoyent  toutes  les  promesses  de  Dieu.  Car  ce  qui  a  este  dict  autresfoys  a  Abraham,  s'adresse  aussi  bien  a  nous.  C'est  que  Dieu  est  nostre  loyer  tresample  (Gen.  15,  1).  Voyla  donc  la  fin  de  nostre  beatitude,  de  nostre  gloire  et  salut,  d'estre  pleinement  tous  a  Dieu,  pour  le  posseder:  et  qu'il  soit  du  tout  en  nous.  Or  est-ii  ainsi  que  cela  ne  sera  point  accomply  devant  le  iour  de  la