6:131  LE  CATECHISME  DE  GENEVE.  rien,  si  nous  n'estions  imparfaictz.  Car  c'est  une  aide  et  soulagement  de  nostre  infirmite.  LB  MINISTRE.  Ces  deux  Sacremens  ne  servent  ilz  point  a  autre  fin?  L'ENFANT.  Si  font,  d'autant  que  ce  sont  signes  et  marques  de  nostre  profession.1)  C'est  a  dire,  [fol.  67]  que  par  iceux  nous  protestons  que  nous  sommes  du  peuple  de  Dieu,  et  faisons  confession  de  nostre  Chrestiente.  LE  MINISTRE.  Que  faudroit-il  donc  iuger  d'un  homme  qui  n'en  voudroit  point  user?  L'ENFANT.  Il  ne  le  fauldroife  tenir  pour  Chrestien.  Car  en  ce  faisant,  il  ne  se  veut  point  confesser  estre  tel:  et  quasi  tacitement  il  desadvoue  Iesus  Christ.  LE  MINISTRE.  Mais  suffit-il  de  recevoir  une  fois  l'un  et  l'autre?  L'ENFANT.  Le  Baptesme  n'est  ordonne  que  pour  une  seule  fois,  et  n'est  pas  licite  de  le  reiterer.  Mais  il  n'est  pas  ainsi  de  la  Cene.  LE  MINISTRE.  La  raison?  L'ENFANT.  Pource  que  par  le  Baptesme  Dieu  nous  introduit  et  recoit  en  son  Eglise.  Apres  nous  avoir  receu,  il  nous  signifie  par  la  Cene,  qu'il  nous  veut  continuellement  nourrir.  LE  MINISTRE.2)  A  qui  appartient  il  tant  de  baptiser,  que  d'administrer  la  Cene?  L'ENFANT.  A  ceux  qui  ont  charge  publique  en  l'Eglise,  d'enseigner.  Car  ce  sont  choses  conioinctes  que  de  prescher  la  Parolle,  et  distribuer  les  Sacremens.  LE  MINISTRE.  N'en  y  a  il  pas  certaine  probation?  L'ENFANT.  Ouy  bien.  Car  nostre  Seigneur  donne  specialement  la  charge  a  ses  Apostres  de  baptiser,  comme  de  prescher  (Matth.  28,  19).  Et  touchant  la  Cene,