58:131  131  NEUVIEME  SERMON  132  et  console  a  cause  des  tristesses  et  fascheries  qu'il  avoit  endurees  auparavant.  Ceste  circonstance  donc  est  bien  a  noter:  C'est  que  Dieu  voiant  que  son  serviteur  estoit  afflige  iusqu'au  bout,  lui  a  voulu  donner  quelque  allegement:  comme  auiourd'hui,  combien  que  nous  n'aions  pas  les  visions  telles,  Dieu  neantmoins  ne  laisse  pas  de  se  monstrer  a  nous,  quand  il  void  que  nous  n'en  pouvons  plus,  et  que  nous  pourrions  defaillir  sinon  qu'il  nous  vint  au  devant.  Toutesfois  et  quantes  que  nous  sommes  en  angoisse,  il  nous  semble  que  Dieu  est  esloigne  de  nous,  et  imaginons  qu'il  nous  a  mis  en  oubli.  Or  a  l'opposite,  quand  il  nous  fait  sentir  sa  grace  en  quelque  sorte  que  ce  soit,  ou  bien  qu'il  nous  fortifie,  et  que  nous  bataillons  vertueusement  contre  toutes  tentations,  ou  bien  qu'il  nous  delivre  des  molestes  et  iniures  qu'on  nous  fait,  ou  qu'il  nous  assiste  de  quelque  facon  comme  visible:  voila  sa  presence,  et  nous  voions  alors  qu'il  a  eu  le  soin  de  nous.  Ainsi  notons,  quand  Dieu  est  apparu  a  Isaac,  qu'il  faloit  bien  qu'il  y  eust  quelque  necessite  grande:  car  cela  n'est  pas  avenu  chacun  iour:  et  la  dessus  apprenons  de  nous  contenter,  quand  Dieu  apres  avoir  permis  que  nous  soions  tormentez,  que  nous  aions  des  inquietudes,  fascheries  et  molestes,  qu'en  la  fin  Dieu  se  monstrera  Pere  envers  nous.  Et  si  cela  ne  se  fait  pas  si  tost,  attendons  le,  comme  nous  voions  qu'Isaac  n'a  point  eu  tousiours  certain  signe  que  Dieu  lui  voulust  assister:  mais  au  contraire,  il  s'est  la  veu  destitue  de  tout  secours,  et  par  longue  espace  de  temps  :  et  apres  qu'une  fascherie  lui  est  survenue,  voici  l'autre  quant  et  quant  qui  a  suivi:  si  est-ce  neantmoins  qu'il  n'a  point  defailli.  Que  donc  nous  ensuivions  ce  chemin  la.  Et  cependant  aussi  notons,  qu'un  seul  mot  qui  nous  sera  dit  de  Dieu,  pour  nous  testifier  l'amour  qu'il  nous  porte,  vaudra  mieux  que  tous  les  biens  que  nous  pourrions  avoir  quand  nous  aurions  a  manger  et  a  boire  tout  nostre  soul  voire  et  en  toutes  delices,  quand  nul  ne  nous  fascheroit,  que  nous  aurions  repos  de  tous  costez  :  bref  que  tout  nous  viendroit  a  souhait:  quand  cela  y  seroit,  il  est  certain  que  nous  ne  le  devrions  pas  tant  priser,  que  d'avoir  tesmoignage  que  Dieu  nous  est  propice.  Car  prenons  le  cas  qu'un  homme  soit  confit  en  toutes  voluptez  en  toutes  ses  aises,  que  rien  ne  lui  defaille:  cependant  s'il  ne  cognoit  point  comment  il  en  est  avec  Dieu,  qu'il  n'ait  nulle  doctrine,  ne  nulle  promesse,  il  sera  tousiours  comme  en  doute  si  le  bien  lui  doit  durer,  ou  non:  et  s'il  s'enyvre  en  telle  sorte,  qu'il  s'attende  que  sa  prosperite  lui  durera  encore,  que  sera-ce  que  d'avoir  ainsi  toute  sa  felicite  en  ce  monde?  Combien  ceste  vie  dure-elle?  Tous  les  biens  donc  qui  nous  pourroient  avenir,  ne  sont  rien,  et  ne  peuvent  avoir  une  bonne  saveur,  sans  que  nous  soions  asseurez  de  la  grace  de  Dieu:  mais  a  l'op-