52:131  131  EPIST.  PAULI  AD  COLOSSENSES  CAPUT  IV.  132  11.  Hi  soli  cooperarii.  Ex  circumcisione  scilicet  Alios  enim  postea  nominat,  sed  ex  praeputio.  Paucos  ergo  Iudaeos  Romae  esse  significat  qui  evangelio  se  praebeant  adiutores:  quin  potius  totam  gentem  Christo  adversam  esse.  Quamquam  per  operarios  intelligit  eos  duntaxat  qui  pollebant  necessariis  ad  promovendum  evangelium  dotibus.  Ubi  autem  Petrus  eo  tempore?  Certe  aut  indigne  praeteritus  hic  fuit,  nec  sine  iniuria:  aut  fabulantur  qui  Romae  tunc  fuisse  asserunt.  Evangelium  porro  vocat  regnum  Dei.  Nam  et  sceptrum  est  quo  Deus  super  nos  regnat,  et  per  ipsum  cooptamur  in  vitam  aeternam.  Verum  de  hac  loquutione  plura  alibi.  12.  Semper  decertans.  Boni  pastoris  exemplum,  cui  locorum  distantia  ecclesiae  oblivionem  minime  inducit  quin  trans  mare  eius  curam  secum  deferat.  Et  notanda  vis  orationis,  quae  exprimitur  in  verbo  certandi.  Tametsi  enim  hic  affectus  vehementiam  notare  voluit  apostolus,  simul  tamen  admonet  Colossenses,  ne  pastoris  sui  preces  irritas  existiment:  quin  potius  existiment,  eas  sibi  non  poenitendo  esse  subsidio.  Postremo  colligamus  ex  Pauli  verbis,  hanc  Christianorum  esse  perfectionem,  dum  stant  completi  in  voluntate  Dei:  ne  aliunde  suspendant  vivendi  consilium.  14.  Salutat  vos  Lucas  medicus  dilectus,  et  Demas.  15.  Salutate  fratres  qui  sunt  Laodiceae,  et  Nympham,  et  ecclesiam  quae  est  domi  ipsius.  16.  Et  quum  lecta  fuerit  apud  vos  epistola,  facite  ut  etiam  in  Laodicensium  ecclesia  legatur:  et  eam  quae  ex  Laodicea  est  ut  vos  legatis.  17.  Et  dicite  Archippo,  Vide  ministerium  quod  accepisti  in  Domino,  ut  illud  impleas.  18.  Salutatio  mea  manu  Pauli.  Memores  estote  vinculorum  meorum.  Gratia  vobiscum.  Amen.  14.  Salutat  vos  Lucas.  Non  assentior  iis  qui  Lucam  Evangelistam  intelligunt.  Nam  et  notiorem  fuisse  iudico,  quam  ut  opus  fuerit  tali  indicatione:  et  splendidiore  elogio  fuisset  insignitus  :  certe  coadiutorem  suum,  aut  fidum  saltem  comitem  et  certaminum  participem  vocasset.  Potius  coniicio  tunc  abfuisse,  et  alterum  medici  epitheto  ab  illo  discerni.  Quamquam  non  contendo  ut  de  re  certa:  sed  tantum  coniecturas  affero.  Demas  cuius  meminit,  is  est  haud  dubie  a  quo  se  postea  relictum  conqueritur,  2.  Timot.  4,  10.  Quum  de  domestica  Nymphae