50:131  131  EPIST.  PAULI  AD  CORINTHIOS  II  132  18.  Quandoquidem  multi  gloriantur.  Sensus  est:  Si  quis  mihi  obiiciat,  vitiosum  esse  quod  facio:  quid  alii?  annon  mihi  sunt  autores?  an  ego  solus  vel  primus  glorior  secundum  carnem?  cur  in  illis  ducetur  laudabile  quod  mihi  vitio  dabitur?  Tantum  igitur  abest  Paulus  ab  ambitione  in  referendis  suis  laudibus,  ut  culpari  inde  contentus  sit,  modo  pseudoapostolorum  vanitatem  refutet.  Gloriari  secundum  carnem  est  se  iactare  in  his  potius,  quae  ad  ostentationem  faciunt  quam  in  bona  conscientia.  Caro  enim  hic  habet  respectum  ad  mundum:  quum  laudem  captamus  ab  externis  larvis,  quae  coram  mundo  sunt  spectabiles  et  censentur  eximiae.  Huius  ioco  paulo  ante  dixit  in  faciem.  19.  Libenter  enim  suffertis.  Sapientes  (meo  iudicio)  per  ironiam  nominat.  Despiciebatur  ab  illis:  quod  fieri  non  poterat  quin  summa  arrogantia  inflati  essent.  Dicit  igitur,  quandoquidem  ita  sapitis,  facite  officium  sapientum  in  me  sufferendo,  quem  contemptui  habetis  non  secus  atque  insipientem.  Unde  colligo,  sermonem  hunc  non  promiscue  ad  omnes  dirigi,  sed  perstringi  certos  quosdam,  qui  se  parum  humaniter  gerebant.  20.  Suffertis  enim  si  quis  vos.  Triplex  potest  esse  sensus.  Vel  quod  ironice  Corinthios  perstringat,  quia  nihil  ferre  queant,  ut  solent  delicati:  vel  quod  socordiae  eos  insimulet,  quod  pseudoapostolis  se  in  pudendam  servitutem  addixissent:  vel  quod  referat  quasi  in  aliena  persona  quod  odiose  de  ipso  praedicabatur:  ac  si  tyrannicum  imperium  sibi  adversus  eos  usurparet.  Secundus  sensus  Chrysostomo,  Ambrosio,  Augustino  placet:  adeoque  communiter  receptus  est.  Equidem  optime  congruit  contextui.  Q  u  am  quam  mihi  tertius  non  minus  arridet.  Videmus  enim  ut  passim  a  malevolis  traductus  fuerit,  quasi  impotenter  dominaretur:  a  quo  tamen  longissime  aberat.  Sed  quoniam  alter  ille  est  receptior,  non  repugno  quin  valeat.  Sic  autem  cohaerebit  haec  sententia  cum  superiore:  Tos  omnia  fertis  ab  aliis,  si  vos  opprimunt,  si  vestra  exigunt,  si  contumeliose  vos  tractant  :  de  me  cur  minus  feretis,  quum  nulla  in  parte  me  illi  superent?  Nam  quod  se  infirmum  fuisse  negat,  intelligit  se  talibus  gratiis  Dei  fuisse  ornatum,  ut  vulgaris  haberi  non  debuerit.  Vocabulum  enim  infirmi  late  patet,  ut  mox  iterum  videbimus.  Haec  sane  perpetua  fuit  mundi  consuetudo  et  erit  usque  in  finem:  contumaciter  resistere  Dei  servis,  excandescere  ad  minimas  occasiones,  obstrepere  et  murmurare  identidem,  de  severitate  moderata  conqueri,  abhorrere  ab  omni  disciplina,  pseudoapostolis,  impostoribus,  aut  nihili  fucis  serviliter  se  submittere,  permittere  illis  omnia,  quidquid  oneris  imponere  ipsis  libuerit,  subire  patienter  ac  perferre.  Sic  hodie  vix  tricesimus  quisque  reperietur  qui  iugo  Christi  libenter  collum  submittat:  quum  tam  duram  papae  tyrannidem  aequo  animo