44:131  131  IN  ZACHARIAM  132  scripserunt.  Fateor  etiam  aliis  temporibus  non  fuisse  parem  eloquentiam  in  prophetis.  Longe  enim  alius  est  Iesaias  quam  Ieremias,  vel  Amos:  tamen  ex  omnium  scriptis  facile  hoc  elicitur,  sermonem  fuisse  quasi  lutulentum,  postquam  reversus  est  ab  exsiiio  populus.  Nunc  pergamus:  4.  Ne  sitis  sicut  patres  vestri,  quia  clamarunt  ad  eos  prophetae  superiores,  dicendo,  Sic  dicit  Iehova  exercituum,  Bevertimini  quaeso  a  viis  vestris  malis,  et  ab  operibus  vestris  malis:  et  non  audierunt,  neque  attenderunt  ad  me,  dicit  Iehova.  Hic  ut  corrigat  vel  inflectat  populi  contumaciam,  exprobrat  quod  geniti  sint  ex  patribus  improbis  et  perversis.  Scimus  Iudaeos  nimium  sibi  placuisse:  et  praesertim  scimus  fuisse  inflatos  stulta  confidentia,  quoniam  genus  ducebant  a  sanctis  patribus.  Hiuc  factum"  est  ut  superbe  gloriati  fuerint  de  sua  origine:  interea  non  reputaverint  quanta  fuisset  pervicacia  in  multis  eorum  patribus.  Sed  aliud  etiam  spectavit  propheta.  Scimus  enim  ubi  consuetudine  aliquid  receptum  est,  omnes  fere  obdurescere  et  sibi  blandiri  in  vitiis;  quia  mali  mores  fere  reputantur  instar  legis:  et  videtur  licitum  quod  publico  consensu  receptum  est.  Quoniam  ergo  iam  a  multis  annis  non  desierant  provocare  iram  Dei,  oportuit  hanc  obiurgationem  accedere,  Ne  sitis  sicut  patres  vestri.  Nam  haud  dubie  putabant  probari  Deo  suam  vitam,  quia  non  erant  deteriores  patribus.  Deus  autem  ostendit  patres  ipsorum  iam  nimis  fuisse  pravo  et  contumaci  ingenio.  Caeterum  discendum  est  ex  loco,  adeo  nullius  momenti  esse  coram  Deo  exempla  quae  obiici  solent  instar  clypei,  ut  culpam  magis  exaggerent.  Et  tamen  videmus  ut  haec  stultitia  multos  dementet:  quia  hodie  papistis  sua  religio  videtur  sancta  esse  et  irreprehensibilis,  quoniam  per  manus  tradita  fuit  a  patribus.  Quoties  igitur  obtendunt  patres  Deo,  putant  sibi  esse  legitimam  defensionem  omnium  errorum.  Nihil  autem  frequentius  occurrit  apud  prophetas,  quam  exempla  magis  accendere  iram  Dei,  ubi  ita  alii  aliis  peccandi  sunt  autores,  et  posteri  existimant  sibi  licere  quidquid  a  patribus  ad  ipsos  manavit.  Sed  tenendum  interea  consilium  prophetae.  Neque  enim  simpliciter  docere  voluit,  frustra  Iudaeos  praetendere  vetusta  exempla:  sed,  quemadmodum  iam  dixi,  voluit  etiam  excutere  illis  blanditias,  quibus  obdormiverant:  et  praesertim  voluit  revellere  pravas  corruptelas,  quae  longo  usu  iam  invaluerant.  Haec  igitur  ratio  est  cur  dicat,  Ne  sitis  similes  patribus  vestris:  quemadmodum  etiam  aliis  pluribus  locis  eandem  sententiam  usurpat  spiritus,  praesertim  Psalmo  nonagesimo  quinto,  et  aliis  similibus.  Dicit  autem  clamasse  ad  patres  eorum  prophetas,  qui  missi  fuerant  a  Deo:  et  tamen  non  fuisse  attentos.  Quoniam