27:131  131  SERMON  LXXVIII.  132  messe.  Mais  voici  un  beau  passage  et  excellent,  pour  nous  donner  ouverture  a  ce  que  nous  avons  expose  ci  dessus,  et  ce  qui  reviendra  encores  a  propos.  Il  est  dit,  gue  Dieu  donnera  victoire  a  son  peuple:  voire  j  s'il  garde  tous  les  commandemens  qui  luy  sont  proposez.  Voila  une  condition  que  Dieu  adiouste:  Faites  ce  que  ie  vous  commande,  et  alors  TOUS  sentirez  ma  vertu,  tellement  que  vos  ennemis,  quoy  qu'ils  attentent,  ne  profiteront  rien  contre  vous.  Or  maintenant  regardons  si  les  Iuifs  ont  peu  accomplir  tous  les  commandemens  de  Dieu  :  ils  y  ont  este  du  tout  rebelles  :  comme  aussi  nous  ne  cessons  d'aller  tout  a  l'opposite,  et  au  rebours  de  ce  que  Dieu  nous  enseigne,  et  nous  commande,  iusques  a  ce  qu'il  nous  ait  reformez  par  son  sainct  Esprit.  Voila  donc  les  Iuifs  qui  ont  este  rebelles  a  Dieu:  et  ainsi  ils  sont  privez  de  sa  promesse.  Voire,  mais  cependant  si  n'a-il  pas  laisse  encores  de  tousiours  donner  lieu  a  sa  misericorde  parmi  leur  malice:  car  encores  que  leurs  ennemis  les  ayent  picquez  comme  des  espines,  ils  sont  demeurez  tousiours  possesseurs  du  siege  que  Dieu  leur  avoit  ordonne.  Il  est  vray  qu'il  est  dit  notamment:  Pource  que  vous  avez  este  lasches,  et  que  vous  avez  irrite  vostre  Dieu,  d'autant  que  vous  n'avez  point  voulu  marcher  lors  qu'il  estoit  prest  de  vous  conduire:  pour  ceste  cause  (dit-ie)  vous  ne  viendrez  point  a  bout  de  vos  ennemis:  que  ce  qui  restera  vous  seront  comme  des  espines  a  vos  costez,  ce  seront  comme  des  mouches  guespes  pour  vous  picquer,  qui  vous  viendront  mesmes  crever  les  yeux,  d'autant  que  vous  n'avez  point  prins  hardiesse  comme  vous  deviez,  et  que  vous  ne  vous  estes  point  remis  a  Dieu  pour  aller,  et  marcher  en  avant  comme  il  vous  commandoit.  Voila  les  menaces  qui  leur  sont  faites,  et  ils  les  sentent  :  et  puis  les  voila  encores  assuiettis,  qui  pis  est,  qu'on  leur  impose  charges,  et  tributs,  qu'ils  ne  savent  que  faire  sinon  gemir.  Or  nostre  Seigneur  la  dessus  apres  les  avoir  chastiez  par  tant  de  moyens,  il  leur  declaire,  et  leur  monstre,  qu'il  ne  laisse  pas  encores  de  leur  estre  pitoyable,  il  leur  suscite  tousiours  gens  pour  les  preserver  de  leurs  ennemis.  Ainsi  les  Iuifs  quoy  qu'il  en  soit,  iouissent  des  graces  de  Dieu,  voire  en  partie:  et  non  pas  qu'ils  en  soyent  dignes,  mais  d'autant  que  Dieu  veut  faire  valoir  sa  promesse,  afin  qu'elle  ne  soit  point  aneantie  par  la  malice  et  ingratitude  des  hommes.  Finalement  voila  David  et  Salomon  qui  ont  la  promesse,  que  Dieu  par  leur  main  mettra  le  peuple  en  une  pleine  et  parfaite  liberte,  que  leur  royaume  sera  establi  en  perfection,  d'autant  que  Dieu  leur  avoit  promis.  Mais  notons  que  David  et  Salomon  ont  este  figure  de  nostre  Seigneur  Iesus  Christ:  et  aussi  sachons,  qu'il  ne  tient  qu'a  nous  que  Dieu  ne  se  monstre  benin  et  liberal  iusqu'au  bout:  car