21:131  131  THEODORI  BEZAE  132  demum  in  Calvinum  intenta  Argentinam  legati  adiuncta  etiam  Tigurinorum  intercessione  mittuntur  1),  qui  ab  Argentinensibus  Calvinum  repetant.  Argentinenses  praebent  se  difficiles.  Calvinus  ipse  quamvis  quae  improborum  quorundam  culpa  sustinuerat  ipsius  in  Genevenses  animum  nihil  immutassent,  tamen  a  turbis  abhorrens,  et  quod  Dominum  videret  ministerio  suo  in  Argentinensi  ecclesia  benedicere,  plane  se  rediturum  negare.  Bucerus  quoque  et  caeteri  aegerrime  se  illum  dimissuros  testari.  Perstantibus  tamen  Genevensibus,  censuit  tandem  Bucerus  illorum  precibus  esse  ad  tempus  concedendum  :  quod  tamen  a  Calvino  nonnisi  interposita  gravi  divini  iudicii  denunciatione  et  proposito  Ionae  exemplo  fuit  impetratum.  Sed  quoniam  in  id  tempus  haec  inciderant,  quo  Calvino  Ratisbonam  ad  comitia  (sic  enim  fuerat  decretum)  cum  Bucero  proficiscendum  erat,  2)  dilata  fuit  eius  discessio,  et  tantisper  a  Bernensibus  impetrarunt  Genevenses,  ut  Petrus  Viretus  Lausanna  Genevam  iret.  Quo  libentius  in  urbem  rediit  Calvinus,  eum  videlicet  habiturus  collegam,  cuius  opera  et  consilio  in  instauranda  ecclesia  plurimum  adiuvari  posset.  Sic  aliquot  menses  praeteriere:  quibus  tandem  elapsis  Calvinus  XIII.  Septembris  anno  Domini  MDXLI  Genevam  regressus  est,  summa  cum  universi  populi  ac  senatus  inprimis  singulare  Dei  erga  se  beneficium  serio  tum  agnoscentis  congratulatione,  ut  Argentinenses  urgere  nunquam  destiterit,  ut  quod  de  certo  illo  temporis  spatio  cautum  fuerat  expungeretur.  Concesserunt  id  quoque  tandem  Argentinenses,  ea  tamen  conditione  ut  ius  civitatis  honorarium,  quod  in  Calvinum  contulerant,  salvum  esset,  et  praebendae  quam  vocant  annuos  reditus  retineret.  Quorum  illud  probavit  Calvinus,  istud  vero  ut  acciperet  nunquam  ab  eo  extorqueri  potuit,  ut  qui  nihil  minus  quam  opes  curaret.  Restitutus  autem  ecclesiae  suae  flagitanti  Calvinus  hanc  in  illius  instauratione  rationem  tenuit,  ut,  quod  eam  urbem  videret  omnino  his  fraenis  indigere,  testaretur  inprimis  se  non  posse  ministerio  suo  rite  fungi,  nisi  una  cum  doctrina  christiana  presbyterium  quoque  legitimum  cum  evTaCea  ecclesiastica  reciperetur.  Tum  igitur  (qua  de  re  mox  plenius  dicemus)  et  presbyterorum  deligendorum  et  totius  illius  ordinis  leges  perlatae  sunt  verbo  Dei  consentaneae  et  civibus  ipsis  gratae,  quas  postea  miris  modis  Satan  abrogare  frustra  est  conatus.  Scripsit  quoque  [B  3]  Catechismum  gallice  et  latine,  ab  illo  priore  minime  discrepantem,  sed  multo  auctiorem  et  in  quaestiones  ac  responsiones  distributum  :  quem  merito  nobis  liceat  admirandum  quoddam  opus  1)  legatos  mittit.  Edd.  rece.  2)  quo  ex  magistratus  decreto  tenebatur  C.  Ratisbonam  ad  comitia  .  .  .  .  cum  Bucero  proficisci.  (Edd,  rece)