8:130  Dieu,  sinon  que  nous  luy  attribuions  toute  authorite  et  preeminence  par  dessus  nous,  et  que  nous  cognoissions  qu'il  use  de  toutes  ses  creatures,  comme  bon  luy  semble.  Voire  et  ne  laisse  point  [page  92]  de  demourer  iuste  et  de  faire  toutes  choses  en  equite  et  droicture.  Et  la  doctrine  que  nous  avons  ouye  est  bonne  et  saincte  et  tres-veritable.  Et  autant  en  ay-ie  ouy,  il  y  a  dix  ans  passez:  en  laquelle  ie  prie  le  Seigneur  qu'U  me  fasse  perseverer  iusques  a  la  fin,  confirmant  et  approuvant  tout  ce  que  mes  freres  ont  dit  M.  MICHEL  COR  Mes  freres  et  soeurs!  la  doctrine  que  vous  avez  ouye  est  une  doctrine  infallible,  a  laquelle  il  faut  que  tous  Chrestiens  se  tiennent  et  perseverent  en  icelle.  Et  aussi  de  mon  coste,  moyennant  la  grace  de  Dieu,  i'y  veux  vivre,  perseverer  et  mourir.  Et  combien  que  ceste  doctrine  ait  este  ia  traittee  suffisamment,  toutesfois  pour  confirmation  i'adiousteray  un  petit  mot.  C'est  que  si  nous  nions  la  reprobation  des  meschans,  et  que  nous  fi!approuvions  pas  l'election  des  enfans  de  Dieu,  il  est  necessaire  que  nous  ayons  en  moquerie  [page93]  l'Evangile  de  Dieu,  et  principalement  le  mot  duquel  nostre  Seigneur  lesus  Christ  fait  mention  (au  vingtcinquieme  de  sainct  Matthieu),  la  ou  il  est  dit:  Le  Roy  assis  en  son  throne  dira  aux  brebis  qui  seront  a  sa  dextre:  Venez,  les  benits  de  mon  Pere:  recevez  le  Royaume  qui  vous  est  prepare  devant  la  fondation  du  monde.  Et  au  contraire:  Allez,  departez-vous  de  moy,  vous  tous  qui  faites  iniquite:  allez  au  feu  inextinguible  qui  est  prepare  au  Diable  et  a  ses  Anges.  il  faut  donc  que  ce  iugement  icy  ne  soit  pas  veritable,'  sinon  qu'il  y  ait  reprobation  eternelle;  comme  aussi  il  y  a  election  eternelle.  Ce  iugement  ne  peut  estre  fait  Or  il  n'y  a  nulle  mutation  en  Dieu,  il  ne  change  iamais  de  propos:  ses  iugemens,  ses  pensees,  ses  deliberations  sont  eternelles.  Et  pourtant  s'il  y  en  a  (comme  la  verite  est)  des  damnez,  il  faut  qu'ils  soyent  damnez  par  le  iugement  eternel  de  Dieu,  par  son  decret  mis  et  ordonne  devant  la  fondation  du  monde.  Et  aussi  s'il  y  eii  a  de  sauvez,  esleus  et  predestinez,  ils  le  sont  [page  94]  devant  la  fondation  du  monde.  Quant  est  de  la  proposition  universelle  qui  est,  que  Dieu  veut  que  tous  les  hommes  viennent  a  la  cognoissance  de  la  verite  et  soyent  sauvez;  les  ennemis  de  la  verite  ne  prennent  aucune  exception  sur  icelle.  Or,  que  nous  la  prenions  en  sa  generalite,  il  s'ensuivra  qu'il  n'y  aura  aucuns  damnez:  car,  comme  dit  le  Prophete  Esaie  au  quarante-sixieme  chapitre:  Mon  conseil  tiendra,  et  toute  ma  volonte  sera  accomplie.  Or,  si  d  est  ainsi,  comme  on  le  veut  prendre,  c'est,  que  Dieu  veut  tous  hommes  estre  sauvez,  il  s'ensuit  qu'il  n'y  en  aura  nuls  damnez,  et  par  consequent  que  c'est  une  folie  de  croire  a  l'Evangile.  9