58:130  faut  qu'ils  soient  muables,  pour  n'avoir  nul  arrest,  sinon  qu'au  iour  la  iournee  ils  soient  logez  comme  par  la  main  de  Dieu:  et  cependant  qu'ils  s'apprestent  a  vaguer,  a  l'exemple  des  Peres  qui  ont  apprins  par  experience,  de  n'avoir  point  leur  heritage  ici  bas,  et  se  sont  confessez  estre  pelerins,  comme  nous  verrons  ci  apres  que  Iacob  l'a  respondu  a  Pharao.  Cependant  nous  voions  aussi  la  malice  de  tous  les  voisins  qui  estoient  la:  car  le  puits  mesme  qu'Abraham  avoit  achete,  lui  a  este  oste  apres  sa  mort,  afin  que  ses  successeurs  et  enfans  n'en  eussent  point  l'usage.  Or  il  est  dit,  qu'Isaac  cave  encore  la  un  puits:  car  ii  faloit  bien  qu'il  eust  de  l'eau,  tant  pour  une  famille  si  grande  qu'il  avoit  que  pour  son  bestail:  mais  il  va  cercher  l'eau  bien  loin,  iusqu'a  ce  que  Dieu  lui  ait  restitue  ce  qu'on  lui  avoit  iniustement  ravi.  Il  habite  donc  en  Berseba,  sans  eau,  pour  un  temps,  sinon  qu'il  Pemprunte,  ou  bien  qu'il  l'achete:  et  puis  derechef  le  puits  se  trouve,  tellement  qu'il  a  relasche,  et  que  Dieu  ne  permet  point  a  ceux  qui  l'eussent  voulu  comme  faire  mourir  de  soif,  d'user  de  leur  malice,  et  de  en  venir  a  bout  Mais  quoy  qu'il  en  soit,  ce  n'a  pas  este  du  premier  coup  que  Dieu  l'a  exauce.  Nous  avons  donc  a  retenir  ce  qui  fut  hier  touche.  C'est,  que  nous  apprenions  d'endurer  disette,  voire  iusqu'a  l'eau:  et  que  nous  ne  trouvions  point  nouveau  ce  que  nos  Peres  ont  experimente:  Car  ce  n'est  pas  raison  que  nous  soions  plus  privilegiez  qu'eux.  Et  si  Dieu  nous  espargne,  que  nous  recognoissions  sa  bonte  en  cest  endroit:  et  s'il  nous  afflige  en  autre  sorte,  que  nous  soions  tant  mieux  disposez  a  patience.  Or  cependant  il  est  dit,  Que  Dieu  lui  est  apparu  en  la  premiere  nuit  qu'il  s'est  trouve  en  Berseba.  Il  faut  ici  noter  ce  que  nous  avons  traite  par  ci  devant  en  la  vie  d'Abraham:  C'est,  que  Dieu  lui  est  apparu,  d'autant  qu'il  avoit  besoin  d'estre  aide  9