56:130  venance  devant  le  tesmoignage,  auquel  ie  conviendray  avec  toy.  Ce  vous  sera  sainctete  tressaincte.  37.  Et  de  ce  perfum  que  tu  fais,  vous  ne  vous  en  ferez  point  selon  ceste  composition.  Ce  te  sera  sainctete  a  l'Eternel.  38.  Quiconque  en  aura  fait  de  semblable  pour  en  perfumer,  sera  extermine  de  ses  peuples.  Chapitre  XXXI.  1.  L'Eternel  parla  a  Moyse,  disant,  2.  Regarde,  i'ay  appele  par  son  nom  Beseleel  le  fils  d'Uri,  fils  de  Hur,  de  la  lignee  de  Iuda.  3.  Lequel  i'ay  rempli  de  l'Esprit  de  Dieu,  de  sapience,  d'intelligence,  de  science,  et  de  tout  artifice.1)  4.  Pour  imaginer  inventions  a  besongner,  en  or,  en  argent,  et  en  airain:  5.  En  artifice  de  pierre  pour  remplissage,  et  en  artifice  de  bois,  pour  le  disposer  en  tout  ouvrage.  6.  Et  voici,  ie  luy  donne  pour  compagnon  Aoliab  fils  d'Ahisamach,  de  la  lignee  de  Dan:  et  si  ay  mis  au  coeur  de  tout  homme  entendu  l'Esprit  d'intelligence2)  afin  qu'ils  facent  toutes  les  choses  que  ie  t'ay  commandees.  7.  Assavoir  le  tabernacle  de  convenance,  l'Arche  de  tesmoignage,  et  le  Propitiatoire  qui  sera  dessus,  avec  tous  les  vaisseaux  du  tabernacle.  8.  Item,  la  table  avec  tous  ses  vaisseaux,  et  le  chandelier  pur  avec  tous  ses  utensiles,  et  l'autel  des  perfumigations.  9.  Item,  l'autel  de  l'holocauste,  avec  tous  ses  vaisseaux,  le  cuveau,  et  son  soubassement.  10.  Item,  les  vestemens,  servans  au  ministere,  les  saincts  vestemens  d'Aaron  Sacrificateur,  et  les  vestemens  de  ses  fils,  pour  exercer  la  sacrificature,  ll.  Item  l'huile  d'onction,  et  la  perfumigation  aromatique  pour  le  Sanctuaire,  ils  feront  doncques  selon  toutes  les  choses  que  ie  t'ay  commandees.  12.  Puis  l'Eternel  parla  a  Moyse,  disant,  13.  Toi  aussi  parle  aux  enfans  d'Israel,  disant,  Quoy  qu'il  soit,  vous  garderez  mon  Repos,  car  c'est  un  signe  entre  moy  et  vous  en  vos  aages,  afin  que  vous  sachiez  que  ie  suis  l'Eternel,  qui  vous  sanctifie.  14.  Gardez  donc  le  Repos,  car  ce  vous  est  sainctete:  qui  le  violera,  mourra  de  mort:  ainsi  quiconque  fera  oeuvre  en  iceluy,  tel  personnage  sera  extermine  du  milieu  de  son  peuple.  15.  Par  six  iours  on  besongnera:  mais  au  septieme  c'est  la  vacation  du  Repos,  sainctete  a  l'Eternel:  quiconque  fera  oeuvre  le  iour  du  Repos,  mourra  de  mort.  16.  Ainsi  les  enfans  d'Israel  garderont  le  Repos,  pour  celebrer  le  Repos  en  leurs  aages  par  alliance  perpetuelle.  17.  C'est  un  signe  entre  moy  et  les  enfans  d'Israel  a  perpetuite:  car  en  six  iours  l'Eternel  fit  le  ciel  et  la  terre,  et  au  septieme  il  cessa  et  se  reposa.  18.  Et  Dieu  1)  ouvrage  O.  2)  ie  leur  ay  mis  au  coeur  la  sapience  de  tous  sages  de  coeur  O.  46.  9