51:130  folles  devotions  de  trotter  d'autel  et  autel,  et  de  chapelle  en  chapelle.  Et  puis  il  faudra  acheter  force  messes:  bref  tout  le  service  de  Dieu  qu'on  appelle  en  la  Papaute  est  un  labyrinthe  et  un  abysme  de  superstitions  lesquelles  ils  se  forgent  en  leurs  testes.  Or  venons  maintenant  a  considerer  que  cela  peut  valoir.  Dieu  n'a  fait  nulle  mention  de  telles  choses  :  mais  les  hommes  les  ont  controuvees,  voire  Satan  leur  a  souffle  en  l'oreille  a  fin  que  le  service  de  Dieu  fust  ainsi  brouille.  Tant  y  a  que  les  Papistes  ne  cuident  point  qu'il  y  ait  ne  religion  ni  foy,  ni  service  de  Dieu,  ni  zele,  sinon  qu'on  soit  ravi  apres  leurs  badinages.  Or  sainct  Paul  parlant  des  ceremonies  que  Dieu  avoit  ordonnees  en  sa  Loy,  dit  qu'elles  ne  sont  plus  rien.  Et  pourquoy?  Car  Dieu  se  contente  que  nous  le  servions  d'une  pure  conscience,  et  qu'ayans  mis  nostre  fiance  en  luy,  nous  l'invoquions,  scachans  que  c'est  de  luy  que  nous  tenons  tout  bien  :  et  puis  que  nous  vivions  les  uns  avec  les  autres  en  droiture  et  rondeur,  cognoissant  que  la  charite  est  le  lien  de  perfection,  que  c'est  le  but  de  la  Loy:  que  nous  soyons  tellement  dediez  a  nostre  Dieu  que  nous  vivions  chastement  et  en  toute  sainctete,  attendant  la  venue  de  nostre  Seigneur  Iesus  Christ,  comme  il  en  est  parle  a  Tite.  Voila  donc  le  premier  poinct  de  la  sainctete  et  perfection  que  Dieu  nous  declare  par  sa  parole.  Or  les  Papistes  d'autre  coste  diront,  Comment?  Et  que  deviendront  tant  de  belles  devotions?  que  tout  cela  soit  aboli?  Et  il  vaudroit  mieux  arracher  Dieu  du  ciel.  Voila  donc  la  sottise  des  Papistes.  Mais  nous  voyons  ce  que  sainct  Paul  nous  monstre,  c'est  a  scavoir  que  si  les  hommes  sont  tant  abusez  en  leur  fantasies  qu'ils  cuident  apporter  merveilles  a  Dieu,  estans  la  detenus  apres  leurs  menus  bagages,  que  tout  cela  ne  vaut  rien.  Qui  l'a  prononce?  Dieu  par  la  bouche  de  sainct  Paul.  Quoy  donc?  Nouvelle  creature.  Or  la  nouvelle  creature  que  com  pren  d-elle?  C'est  que  nous  commencions  a  faire  examen  tel  de  nostre  vie  que  nous  soyons  du  tout  aneantis  en  nous-mesmes:  et  puis  que  nous  offrions  a  Dieu  les  sacrifices  spirituels  que  nous  luy  devons,  voire  nous  presentans  a  luy  a  fin  qu'il  ait  pitie  et  merci  de  nos  miseres  pour  y  prouvoir  et  remedier:  que  nous  soyons  prests  de  suyvre  selon  qu'il  nous  appelle,  et  que  nous  n'ayons  autre  sagesse  que  sa  seule  parole,  et  que  nous  cognoissions  qu'il  ne  veut  point  estre  servi  en  pompes  et  en  belle  apparence  de  grand  lustre  selon  le  monde:  mais  qu'il  se  contente  qu'en  simplicite  nous  luy  offrions  nos  pensees  et  nos  affections.  Et  pourtant  il  ne  tiendra  qu'a  nous  que  nous  ne  cognoissions  que  veut  dire  sainct  Paul,  et  de  quoy  nous  profite  sa  doctrine:  car  il  est  certain  que  ceux  qui  ne  se  flattent  point  en  leurs  vices,  et  qui  regardent,  9