30:130  mentius  afficeretur.  Nam  licet  admonitus,  tamen  adhuc  effugia  quaerebat,  Deumque  peccatum  illud  oblivioni  daturum  rebatur:  neque  enim  vero  sensu  peccati  sui  adhuc  erat  affectus.  Quod  enim  peccatum  dissimulat  signum  erat,  ipsum  nondum  veram  poenitentiam  ex  sensu  illius  habere  quam  oportebat.  Itaque  sive  hunc  nuncium  ut  geoeralem,  sive  ut  particularem  comminationem  Saul  interpretatus  sit,  tamen  existimare  debebat  non  inanes  esse  prophetae  comminationes.  Exempla  sane  passim  in  sacris  occurrant.  Nam  etsi  peccatores  ad  tempus  aliquo  peccatorum  sensu  commoventur,  quum  nimirum  Dei  verbum  ipsorum  aures  personat,  et  eius  nomine  comminationes  proponuntur,  et  peccatum  tunc  confitentur:  tamen  Deo  poenas  differente,  ad  aliquod  tempus,  statim  obliti  comminationum  Dei  metum  omnem  abiiciunt,  et  se  impune  laturos  pec*  cata  sibi  pollicentur.  En  ut  Deo  tantum  minas  et  verba  adhiberi  te,  homines  praebent  aures  hebetiores,  immo  obsurdescunt,  et  quae  monentur  non  audiunt.  Quare  Saulem  oportuit  aliquo  externo  signo  et  testimonio  fieri  certiorem  de  iis  quae  iam  audiverat  ex  Samuele.  Itaque  quum  ora  pallii  scissa  est,  et  propheta  signum  illud  esse  dixit  sciseae  illius  autoritatis  regiae  quam  a  Domino  acceperat,  ratum  ita  factum  est  Dei  decretum,  cuius  interpres  et  nuncius  Samuel  fuerat:  et  ipse  Saul  vehementius  perculsus  et  affectus,  ut  se  ad  Dei  comminationem  attentius  expendendam  disponeret:  etsi  propterea  non  est  ad  meliorem  mentem  reversus.  Deinceps  enim  eius  obdurationem  et  murmur  adversus  Deum,  et  tandem  desperationem  videbimus.  Nihilominns  tamen  Dei  verbo  sua  semper  constat  autoritas,  etsi  reprobis  et  incredulis  nihil  nisi  condemnationem  adfert.  Quare  licet  Saul  induratus  sit,  factus  tamen  est  inexcusabilis,  Deique  verbo  nihil  detractum  est.  Ex  quo  apparet,  Dei  verbum  nunquam  inutiliter  in  terram  cadere:  sed  suam  illi  semper  vim  et  autoritatem  sartam  tectam  esse,  sive  illud  homines  admittant,  sive  contradicant  et  reluctentur.  Denique  externo  isto  signo  Deus  Saulem  docere  voluit,  ratas  esse  prophetae  Samuelis  comminationes  de  exauctoratione,  quas  tamen  Saul  velut  aure  hebetiore  acceperat.  Atque  hic  fuit  signorum  quovis  saeculo  usus,  ut  nimirum  quum  autoritatem  et  dignitate  pollentes  homines  ad  Dei  verbum  et  minas  obsurdescerent,  alia  quadam  ratione  docerentur,  et  signis  quibusdam  ipsis  eorum  oculis  proponerentur  et  auribus  subiicerentur,  quae  ante  neglexerant.  Quod  vero  instituta  inter  Saulem  et  Davidem  comparatione  Saul  condemnatur:  ita  docemur  ipsum  nullam  obloquendi  Deo  causam  habere:  quod  iustas  illum  puniendi  causas  Deus  habeat:  et  non  possit  ipse  conqueri,  non  esse  alium  qui  sit  dignitate  ipsi  praeferendus,  quasi  dignitate  omnes  anteiret.  Samuel  enim  ostendit  Deum  facillime  inven-  9