27:130  a  nostre  Dieu:  car  voila  les  deux  choses  qui  sont  requises.  C'est  en  premier  lieu,  qu'on  se  remette  pleinement  a  Dieu  pour  le  servir  et  honorer:  et  puis  qu'on  se  fie  en  luy,  qu'on  soit  appuye  sur  ses  promesses,  ne  doutant  point  qu'il  ne  donne  bonne  issue  aux  choses  ou  il  semble  qu'il  n'y  ait  que  desespoir.  Voila  donc  en  somme  ce  que  nous  avons  a  noter  de  ceste  doctrine.  Or  quant  et  quant  Moyse  adiouste:  Que  par  tout  ou  le  peuple  mettra  le  pied,  U  possedera  toute  la  terre,  depuis  le  desert  iusques  au  Liban,  et  depuis  le  grand  fleuve,  voire  la  grande  riviere  Euphrates,  iusqu'a  la  mer:  car  ce  sont  les  termes  et  bornes  que  Dieu  avoit  promis  a  son  peuple  :  et  on  le  voit  en  la  personne  d'Abraham.  Car  ce  n'est  point  une  promesse  qui  soit  ici  amenee  de  nouveau:  mais  Dieu  ratifie  ce  qu'il  avoit  desia  dit  au  paravant.  Comme  s'il  disoit:  Rien  n'empeschera  que  vous  ne  possediez  l'heritage  que  ie  vous  ay  assigne:  tenez-vous  a  moy,  et  i'accompliray  ce  que  ie  vous  ay  dit.  Il  est  vray  que  si  vous  regardez  qu'il  y  a  beaucoup  de  peuples  a  desconfire,  vous  pourrez  estre  effarouchez,  pour  dire  :  Comment?  il  est  vray  que  nous  sommes  grande  multitude  :  mais  qu'est-ce  au  prix  de  nos  ennemis,  qui  sont  gens  exercez  a  la  guerre,  et  qui  sont  comme  geans?  ainsi  que  nous  avons  veu  ci  dessus.  Et  puis  ils  sont  la  sur  leur  nid,  ils  ont  leurs  villes  bien  munies,  et  quand  nous  aurons  prins  deux  ou  trois  cens  villes,  encores  ne  sera-ce  rien  fait:  que  nos  ennemis  nous  seront  tousiours  au  dos,  et  au  ventre.  Voila  donc  ce  qui  pouvoit  bien  espouvanter  le  peuple.  Or  il  leur  est  dit:  Combien  que  la  terre  soit  si  ample,  combien  que  vous  ayez  tant  de  villes  a  prendre,  combien  qu'il  y  ait  beaucoup  de  batailles  qui  vous  soyent  apprestees:  toutesfois  arrestez*  vous  a  la  promesse  de  vostre  Dieu:  car  il  sait  comme  il  viendra  a  bout  d'accomplir  ce  qu'il  a  prononce:  ayez  les  yeux  fermez  quant  a  toutes  les  apparences  qui  seroyent  pour  vous  amortir  le  courage,  et  cependant  ouvrez  les  yeux  pour  contempler  la  vertu  inestimable  qui  est  en  vostre  Dieu,  et  ne  doutez  point  qu'il  ne  se  monstre  fidele.  Nous  voyons  donc  maintenant  a  quoy  Moyse  a  pretendu.  Or  tant  y  a  que  ceci  n'a  point  este  accompli,  iusques  au  regne  de  David  et  de  Salomon.  Car  combien  que  Iosue  ait  fait  les  partages,  et  que  Dieu  l'eust  constitue  en  cest  office:  toutesfois  les  peuples  incredules  ont  este  tousiours  meslez  parmi  les  Iuifs:  et  qui  pis  est,  au  lieu  qu'ils  devoyent  exterminer  tout,  et  avoir  possession  paisible  de  la  terre,  ils  ont  paye  tribut  a  leurs  ennemis,  ils  ont  este  tenus  comme  esclaves,  qu'on  leur  a  mange  la  laine  sur  le  dos:  ils  ont  este  affligez  en  telle  sorte,  qu'ils  ont  este  quasi  escorchez,  qu'ils  ont  endure  tant  de  cruautez,  que  c'estoit  pitie.  Il  semble  donc  que  Dieu  n'avoit  point  tenu  sa  pro-  9