21:130  et  ad  tolerantiam  adversus  improbos  et  ad  pacem  cum  suis  pastoribus  fovendam  et  ad  Dei  invocationem  inprimis  exhortetur:  atque  ita  illos  comparat  ad  optatam  illam  lucem  ex  suis  illis  funestissimis  tenebris  iterum  exspectandam:  uti  etiam  eventus  mirifice  comprobavit.  Tum  quoque  Institutionem  christianam  multo  auctiorem,  commentarios  in  Epistolam  ad  Romanos  Simoni  Grynaeo  amicissimo  suo  dicatos,  aureolum  denique  libellum  edidit  de  Coena  Domini  in  Gallorum  suorum  usum,  quem  deinde  latinum  fecit  Galasius  :  quod  argumentum  ita  dextre  simul  ac  erudite  videtur  explicasse,  ut  ea  tot  infelicissimarum  controversiarum  decisio,  in  qua  doctissimus  ac  optimus  quisque  merito  acquievit,  illi  potissimum  secundum  Deum  accepta  feratur.  Nec  minor  fuit  eius  felicitas  in  multis  in  viam  revocandis  Anabaptistis,  inter  quos  duo  praecipui  fuerant,  unus  Paulus  Volsius,  cui  iam  olim  Erasmus  suum  illud  Enchiridium  militis  christiani  dicaverat:  quo  pastore  postea  usa  est  Argentinensis  ecclesia:  alter  Ioannes  quidam  Storder  Leodiensis,  cuius  postea  peste  exstincti  viduam  Idelletam  nomine,  gravem  honestamque  feminam,  Calvinus  ex  Buceri  consilio  uxorem  duxit.  Haec  tum  Calvini  studia  fuerunt  Argentinae  ad  annum  usque  MDXLI,  quo  anno  fuerunt  a  Caesare  Wormatiam  primum,  deinde  Ratisbonam  comitia  componendis  religionis  dissidiis  convocata.  Iis,  quod  ita  theologorum  Argentinensium  collegio  placuisset,  Calvinus  adfuit,  minime  *)  quod  constat  ecclesiis  ac  suae  praesertim  Galliae  inutilis,  et  Domino  Philippo  Melanchthoni  et  Gaspari  Crucigero  beatae  memoriae  inprimis  gratus,  adeo  ut  eum  ille  saepe  Theologum  cognominarit,  hic  vero  privatum  de  coena  cum  eo  colloquium  habuerit  eiusque  cognitam  sententiam  diserte  comprobarit.  Iam  autem  advenerat  illud  tempus,  quo  constituerat  Dominus  Genevensis  ecclesiae  misereri.  Itaque  eorum  syndicorum  unus,  quorum  opera  factum  fuerat  decretum  ut  fidi  pastores  eiicerentur,  ita  sese  in  reipublicae  administratione  gessit,  ut  seditionis  reus,  dum  per  fenestram  proripere  se  conatur,  praeceps  ruens,  ut  erat  ingenti  corporis  mole,  ita  sese  adtriverit,  ut  intra  paucos  dies  ex  illo  casu  sit  exstinctus.  Alter  homicidio  perpetrato  capite  multatus  est.  Reliqui  duo  malae  etiam  administratae  in  quadam  legatione  reipublicae  accusati  solum  verterint  sintque2)  absentes  damnati.  His  veluti  spumae  sordibus  eiectis  civitas  Farellum  suum  et  Calvinum  coepit  requirere.  Ac  quum  de  Farello  recuperando  a  Neocomensibus  minimum  spei  affulgeret,  enixe  1)  ecclesiis  ac  suae  praesertim  Galliae  minime  inutilem  operam  navans.  Ed.  recenti.  2)  sic.  9