19:130  3624.  BEZA  CALVINO.  Novae  morae  et  sollieitationes,  et  ecclesiarum  et  procerum  et  patris  ipsius  discessum  impediunt  Inter  multa  alia  etiam  de  theologorum  Germanorum  infecta  re  abeuntium  et  Balduini  acerrime  notati  rebus  scribit  (Ex  autographo  Cod.  Genev.  117,  fol.  48.  .  Habent  etiam  Cod.  Genev.  119,  fol.  99;  Cod.  Bern.  Epp.  VI.  967,  Simler  Vol.  102.  Baum.  II.  App.  133.  Inscriptio  desideratur.)  8.  Triste  illud,  l)  quod  postremis  tuis  literis  significasti  te  ominari,  iam  pridem  me  torquet.  Restiti  quantum  potui  sicut  brevi  cognosces.  Sed  tandem  mihi  faciendum  fuit  quod  solent  qui  recto  cursu  non  possunt  in  portum  penetrare.  Hyemem  illis,  pro  eo  quod  petebant,  (nempe  ut  semel  huc  migrarem)  concessi,  sed  duplici  addita  conditione.  Una  est,  si  ita  censueritis.  Altera  si  post  Decembris  conventum  videro  operam  meam  his  ecclesiis  esse  necessariam.  Iam  vestrum  est  iudicium  a  quo  ne  latum  quidem  unguem  discedam.  Quod  si  nosses  quot  et  quam  multorum  precibus  restiterim,  certe  non  modo  difficilem  sed  etiam  obfirmatum  et  pertinacem  esse  me  diceres.  Quid  cupiam  nosti,  quid  expediat  non  possum  satis  constituere,  quoniam  in  diversas  partes  rapior.  Dum  cogito  tuos  labores,  scholasticorum  multitudinem,  urbis  nostrae  commoda,  meam  denique  quietem  quam  ego  semper,  Dei  gratia,  omnibus  istis  inanibus  splendoribus  anteposui,  totus  istuc  gestio  avolare.  Sed  dum  vicissim  considero  nostrorum2)  tarditatem,  nisi  singulis  momentis  excitentur,  occasiones  maximas,  opinionem  quam  de  me  nescio  quo  modo  plerique  hic  conceperunt,  denique  plurimarum  ecclesiarum  preces,  quae  necessario  tempore  se  a  me  deseri  queruntur,  si  tam  cito  (ut  loquuntur)  discedam,  totus  haereo  et  vestrum  iudicium  suspensus  exspecto.  Itaque  intra  biduum  hinc  proficiscetur  qui  nostrorum  procerum  literas  ad  vos  super  hoc  negotio  perferat.  Interea  vos  praemonitos  volui,  ut  temporis  aliquid  ad  deliberandum  habeatis.  Iam  de  rebus  aliis  accipe.  Plurima  nobis  in  singulas  horas  nunciantur  de  hostium  coniurationibus.  Nostros  interea  non  video  magnopere  commoveri,  quamvis  monere,  hortari  atque  etiam  libere  obiurgare  non  desinam.  Dux  Nemorsi  qui  Aureliensem  intercipere  voluerat,  excusationes  misit,  sed  quae  accusationem  plenissime  confirment  et  conscios  valde  gravent.3)  Itaque  Calvini  opera.  Vol  XIX.  3624.1)  longiorem  moram  puta,  2)  procerum  apud  quos  ministerio  fungebatur.  3)  Languet  II.  160  d,  d.  26.  Nov.:  Scripsi  nuper  de  duce  de  Nemours:  is  iam  agit  in  Lotharingia  ap.  sororium  suum  comitem  Valdemontanum.  Nuper  misit  in  aulam  (credo  9