8:13  13  DE  SCANDALIS.  14  alienis  remotisque  fontibus  manant.  Primi  generis  sunt  j  quae  principium  quasi  inclusum  habent  in  ipsa  evangelii  doctrina.  Paulus  evangelium  mundi  sapientibus  dicit  esse  stultitiam  (1  Cor.  1,  18  et  2,  14):  quod  verum  est,  non  ideo  solum,  quod  illis  derisui  est  plebeia  et  ostentatione  carens  eius  simplicitas:  sed  quod  multa  etiam  illic  continentur,  quae  humano  iudicio  valde  sunt  non  absurda  modo,  sed  etiam  ridicula.  Nam  quod  filius  Dei,  qui  vita  aeterna  est,  carnem  nostram  induisse,  ac  mortalis  homo  fuisse  praedicatur:  quod  morte  eius  nobis  vita  esse  parta,  damnatione  iustitia,  maledictione  salus,  id  tantopere  abhorret  a  communi  hominum  sensu,  ut  quo  quisque  est  acutior,  eo  citius  repudiet.  Iam  vero  quod  evangelium  nos  omni  sapientiae,  virtutis,  iustitiae  laude  spoliat,  ac  nihil  facit  reliquum  praeter  extremam  ignominiam,  fieri  nequit  quin  graviter  offendat.  Nam,  quae  est  carnis  nostrae  superbia,  nemo  libenter  eripi  sibi  patitur,  quorum  falsa  imaginatione  turgemus  omnes.  Hinc  acerrimus  conflictus.  Illa  quoque  de  abnegatione  nostri,  de  crucifigendo  veteri  homine,  de  mundi  contemptu,  de  amplectenda  cruce  praecepta,  quantum  asperitate  sua  offendunt?  Sed  ipsa  experientia  longe  etiamnum  durior,  quum  persequutionibus  et  aliis  aerumnis  probatur  fides.  Huc  accedunt  etiam  alia,  quae  quum  humanae  rationi  paradoxa  videntur,  plenaque  absurditatis,  ut  priora  illa  de  quibus  diximus,  tum  vero  spinosis  quaestionibus  occasionem  praebent,  quae  totidem  mox  scandala  pariunt,  hoc  est,  infinita.  Talis  est  praedestinationis  doctrina,  et  similes.  Ex  secundo  genere  sunt  ista:  quod  exorto  evangelio,  protinus  turbae  sequuntur  et  seditiones:  detegitur  multorum,  quae  prius  latuerat,  impietas:  ebulliunt  [pag.  11  j  plurimae  sectae  et  inaudita  errorum  portenta:  maiore  licentia  multi  insolescunt,1)  multi  ex  professoribus  flagitioso  vitae  exemplo,  doctrinam  ipsam  deformant:  qui  ad  tempus  visi  fuerant  toti  fervere,  non  modo  flaccescunt,  sed  horrenda  defectione  alienantur  a  Christo.  Quin  etiam  probos  atque  alioqui  sinceros  doctores  Satan  miris  artibus  inter  se  committit,2)  ut  notam  aliquam  ex  eorum  infirmitate  doctrinae  inurat.  Praeterea,  quum  ex  novitate  ipsa  alii  plus  audendi  licentiam  arripiant,  usitatum  etiam  est  in  rebus  novis,  necdum  bene  constitutis,  acrius  observare  quidquid  peccatur.  In  hac  classe  sint  haec  et  similia.  Tertium  genus  partim  ex  fictis  calumniis  constat,  partim  manat  ex  hominum  ingratitudine:  dum  procul  accersunt  varias  criminationes,  quas  maligne  falsoque  in  evangelium  conferant,  ut  inde  exosum  reddant.  Iam  1)  Multi  insolescunt  om.  Beza  et.  Amst  2)  Satan  use  de  ceste  ruse  et  cautelle  de  mettre  picques  et  contentions  entre  les  bons  Ministres  de  Dieu,  les  bandans  les  uns  contre  les  aultres.