7:13  13  CUM  AimDQTO.  14  missio.  Ideo  ex  fide  datur,  ut  secundum  gratiam  firma  sit  promissio.  Dixerat  autem  prius,  absque  lege  manifestatam  esse  iustitiam  Dei  per  fidem  Christi  in  omnes  et  super  omnes  qui  credunt  (Rom.  3,  21).  Item,  destitui  omnes  gloria  Dei,  iustificari  autem  gratis  per  illius  gratiam  (Rom.  3,  22.  23).  Nunc  coniunge  quod  postea  ipse  scribit:  Si  per  gratiam,  iam  non  ex  operibus;  si  ex  operibus,  ergo  non  per  gratiam  (Rom.  l  l  ,  6).  Ratio  est,  sicut  alio  loco  docet:  Quia  merces  operanti  non  imputetur  secundum  gratiam,  sed  secundum  debitum  (Rom.  4,  4).  Eandem  sententiam  repetit  ad  Ephesios:  Gratia  estis  salvati,  non  ex  operibus,  ne  quis  glorietur  (Eph.  2,  8).  Quid  autem  his  verbis  significet,  exponit  ad  Romanos  inquiens:  Quemadmodum  et  David  beatitudinem  definit  hominis,  cui  Deus  imputat  iustitiam,  absque  operibus  legis:  Beati  quorum  remissae  sunt  iniquitates  (Rom.  4,  6).  Item  ad  Corinthios:  Erat  Deus  in  Christo  mundum  reconcilians  sibi,  non  imputans  hominibus  peccata  (2  Cor.  5,  19):  eum  enim  qui  peccatum  non  noverat,  pro  nobis  peccatum  fecit,  ut  efficeremur  iustitia  Dei  in  illo.  Videmus,  ut  doceat  Deum  iustificare  homines,  remittendo  illis  peccata.  Unde  et  Zacharias  hanc  salutis  scientiam  nominat  (Luc.  1,  77).  Quod  autem  de  lege  caeremoniali  vulgo  has  Omnes  sententias  intelligunt,  frivolum  est,  quia  ubique  propriam  hominis  iustitiam  fidei  iustitiae  opponit:  sicut  ad  Romanos:  Volentes  propriam  iustitiam  statuere,  iustitiae  Dei  non  sunt  subiecti  (Rom.  10,  3).  Et  rationem  subnectit,  quia  lex  dicat:  Qui  fecerit  haec,  vivet  in  ipsis  (ib.  v.  5).  Sicut  etiam  ad  Galatas  utitur  hoc  argumento:  Iustus  ex  fide  vivet.  Lex  autem  non  est  ex  fide,  sed  qui  fecerit  haec,  vivet  in  ipsis  (Galat.  3,11.  12).  Christus  autem  redemit  nos  a  maledictione  legis,  ut  promissio  Abrahae  facta  impleretur  in  nobis  per  fidem.  Item  ad  Philippenses:  Non  habens  meam  iustitiam  ex  lege,  sed  eam  quae  ex  Deo  est  per  fidem  Christi  (Philipp.  3,  9).  Constituimus  ergo  cum  Augustino,  non  secundum  merita  nostra,  sed  secundum  Dei  misericordiam  firmam  esse  promissionem  salutis.  *)  Item  cum  Bernardo,2)  meritum  omne  nostrum  esse  miserationes  Domini:  vel,  ut  clarius  loquamur,  concludimus,  post  Basilium  Magnum,3)  hanc  esse  perfectam  et  integram  gloriationem  in  Deo,  quando  propriae  iustitiae  inopes  nos  agnoscimus,  sola  autem  fide  in  Christum  iustificari:  sicut  Paulus  gloriatur,  ob  iustitiae  propriae  contemptum,  ut  ita  cadat  omnis  superbia  et  altitudo,  dum  nihil  homini  reliquum  fit  ad  iactantiam.  1)  Aug.  in  Psal.  88.  Tract.  1.  2)  Bern  serm.  6.  super  cantica  3)  Basil.  serm.  de  humil.