58:13  13  EPISTRE.  Au  lecteur  fidele  Paix  ei  grace  en  Iesus  Christ.  Par  ce  que  la  dispute  de  la  predestination,  et  election  gratuite  de  Dieu,  semble  a  plusieurs  estre  enveloppee,  et  cognue  de  peu  comme  il  faut,  et  que  cependant  la  droite  cognoissance  d'icelle  nous  apporte  une  grande  consolation  et  confirmation  de  foy,  cela  nous  a  fait  mettre  en  lumiere  ces  treze  sermons  de  Maistre  Iean  Calvin,  esquels  tu  trouveras  ceste  matiere  liquidee  et  vuidee  avec  telle  facilite,  que  tu  auras  dequoy  te  contenter,  si  n'estois  trop  curieux.  Car  c'est  folie,  voire  chose  impossible,  de  penser  satisfaire  a  ceux  qui  outrepassent  toute  mesure,  et  veulent  voltiger  par  dessus  la  capacite  de  leur  entendement,  en  sorte  mesmes  qu'il  riy  a  rien  au  ciel  et  en  la  terre,  ou  ils  ne  veulent  mettre  le  nez  et  leur  groin  pour  y  fouiller  comme  pourceaux.  Et  de  fait  on  n'en  trouve  que  trop  qui  bastiront  des  questions  sur  la  pointe  d'une  aiguille  et  sur  un  sablon  mouvant:  et  si  pour  couper  chemin  a  leurs  curiositez  on  leur  respond  simplement,  qu'il  ne  se  faut  point  enquerir  outre  ce  que  Dieu  nous  a  declare  en  sa  parole,  ils  ne  s'en  feront  que  moquer  et  diront  qu'ils  ont  bien  fait  la  barbe  a  ceux  ausquels  ils  se  seront  adressez  pour  desgorger  leurs  sottises  et  badinages.  Quant  a  nous  retenons  ceste  regle,  que  quand  Dieu  ouvre  sa  bouche  sacree  pour  nous  instruire,  aussi  devons  nous  ouvrir  nos  oreilles  pour  entendre  ce  qu'il  luy  plaist  nous  commander:  D'autrepart  quand  il  ferme  sa  bouche  et  ne  dit  mot,  nous  devons  aussi  fermer  nos  sens  et  boucher  nos  oreilles  pour  riescouter  ce  qui  nous  seroit  dit  contre  son  mandement,  afin  de  n'estre  surpris  et  deceus  par  fausses  et  perverses  doctrines.  Or  s'il  nous  convient  estre  sobres  et  modestes  quand  il  est  question  de  traitter  de  l'Escriture,  et  esplucher  les  secrets  que  Dieu  nous  y  a  laissez  par  escrit,  il  est  certain  que  c'est  en  ceste  dispute  de  la  predestination.  Car  tant  plus  nous  cuiderons  monter  haut  par  la  subtilite  de  nos  entendemens,  tant  plus  nostre  ignorance  et  bestise  nous  abbaissera.  Si  nous  estimons  penetrer  par  nostre  veue  iusques  aux  secrets  de  Dieu,  nous  serons  incontinent  esblouis,  ou  plustost  aveuglez  du  tout  par  sa  grande  clarte.  Car  comme  nous  pouvons  aucunement  regarder  le  soleil  quand  il  se  leve  et  n'est  pas  encor  en  sa  force  :  mais  s1  il  vient  en  sa  pleine  clarte  la  foiblesse  de  nostre  veue  apparoist,  laquelle  nous  sembloit  auparavant  assez  forte  pour  porter  une  telle  lumiere.  Ainsi,  afin  que  nous  parlions  avec  Salomon,  celuy  qui  s'enquerra  de  la  maieste  de  Dieu  sera  opprime  par  sa  gloire.  Que  si  ceste  sentence  est  bien  imprimee  en  nos  coeurs  elle  suffira  pour  rabbatre  la  curiosite  de  nos  esprits,  et  les  tenir  en  leurs  bornes  et  limites,  ll  n'y  a  donc  rien  meilleur  en  cest  endroit  que  de  tenir  nos  sens  serrez,  a  ce  qu'ils  ^extravaguent  et  se  iettent  a  l'abandon.  Car  si  nous  sortons  hors  des  gons  par  nostre  au-