54:13  13  tiXJR  LA  SECONDE  A  TIMOTHEE.  14  voila  comme  plongees  aux  abysmes  profonds  de  la  mort:  il  faut  donc  que  ie  les  en  retire.  Nous  voyons  maintenant  que  ce  mot  que  sainct  Paul  a  ici  adiouste,  n'est  point  superflu:  et  combien  qu'il  ne  l'exprime  point  par  tout,  neantmoins  si  faut-il  que  nous  soyons  advertis  d'entrer  iusques  a  ceste  misericorde,  si  nous  voulons  estre  bien  certifiez  de  la  faveur  paternelle  de  nostre  Dieu.  Or  cependant  notons  aussi  que  Dieu  n'est  point  misericordieux  envers  nous  pour  un  coup,  mais  qu'il  continue  (comme  aussi  il  en  est  besoin)  iusques  a  la  mort.  Car  comment  est-ce  qu'il  nous  subvient  tous  les  iours  quand  nous  sommes  agitez  de  nos  mauvaises  tentations?  C'est  luy  qui  nous  fortifie.  Et  comment  cela?  Pource  qu'il  nous  est  pitoyable.  Comment  est-ce  qu'il  nous  pardonne  nos  pechez?  C'est  pour  ceste  mesme  cause.  Ainsi  doncques  notons  bien  que  la  misericorde  de  Dieu  a  son  cours  permanent  envers  nous,  qu'il  ne  nous  la  faut  point  sentir  seulement  en  ce  qu'il  nous  a  du  commencement  adoptez  pour  ses  enfans,  mais  qu'elle  a  son  fil  continuel,  et  qu'il  en  use  iournellement  envers  nous,  et  qu'il  ne  cesse  de  la  faire  decouler  sans  fin,  et  ainsi  qu'elle  est  tousiours  coniointe  a.  ceste  grace  de  laquelie  il  est  ici  fait  mention.  Or  venons  a  ces  deux  mots  que  sainct  Paul  met  communeement  en  ses  Epistres.  Il  est  vray  que  pource  que  nous  en  avons  parle  ci  dessus,  il  n'est  ia  besoin  n'y  insister  par  trop;  mais  si  faut-il  encores  reduire  briefvement  en  memoire  ce  qui  est  dit,  c'est  en  premier  lieu,  que  Dieu  nous  estant  propice,  nous  envoye  tout  ce  que  nous  pouvons  souhaiter  pour  nostre  felicite:  comme  au  contraire,  quand  il  nous  sera  ennemi,  ou  que  nous  serons  reiettez  de  luy,  il  n'y  aura  que  malheur  sur  nous,  ie  di  encores  que  nous  eussions  tout  a  souhait.  Car  les  incredules  pourront  bien  manger  leur  soul,  ils  pourront  estre  elevez  en  honneur  et  credit,  ils  pourront  avoir  sante,  s'esgayer,  faire  leurs  triomphes,  tout  leur  viendra  a  propos:  mais  tout  cela  leur  sera  converti  en  malediction.  Et  pourquoy?  Car  les  biens  que  Dieu  nous  elargit,  ne  nous  sont  point  sanctifiez  pour  nostre.salut,  sinon  que  devant  toutes  choses  nous  sentions  qu'il  nous  est  propice  et  favorable.  Voila  pourquoy  sainct  Paul  commence  par  ce  mot  de  Grace,  monstrant  qu'il  ne  nous  faut  point  estre  tant  abbrutis  de  cercher  les  choses  terrestres,  car  ce  seroit  comme  mettre  la  charrue  devant  les  boeufs  (comme  on  dit),  mais  qu'il  nous  faut  tousiours  lever  la  teste  en  haut.  Quand  un  pourceau  cerchera  pasture,  il  flaire  en  bas,  il  iette  le  groin,  il  souille  par  tout:  ainsi  en  font  ceux  qui  s'attachent  par  trop  au  monde.  Car  ils  ne  cognoissent  point  que  le  vray  bien,  et  la  felicite  parfaite  des  hommes  consiste  en  ce  que  Dieu  les  recoyve,  et  qu'il  les  ait  pour  agreables.  Yoila  comme  les  incre-