53:13  13  SUR  PREMIERE  A  TIMOTHEE.  14  par  laquelle  Dieu  est  esmeu  a  nous  aimer,  combien  que  nous  en  soyons  plus  qu'indignes.  Voila  a  quel  propos  S.  Paul  adiouste  en  ce  passage  ce  mot  de  misericorde.  Or  il  est  vray  que  de  la  misericorde,  comme  nous  ayons  dit,  procede  la  grace:  mais  il  ne  nous  faut  point  esbahir  que  sainct  Paul  l'a  mis  en  second  lieu.  Et  pourquoy?  C'a  este  pour  advertir  que  nous  ne  pouvons  pas  estre  agreables  a  Dieu,  sinon  d'autant  qu'il  est  misericordieux  envers  nous.  Comme  quand  il  dit  en  un  autre  passage,  la  grace  de  nostre  Seigneur  Iesus  Christ,  et  la  dilection  de  Dieu  nostre  Pere  soit  avec  vous.  Il  est  vray  que  la  dilection  de  Dieu  precede  en  ordre,  comme  nous  avons  dit  que  nous  n'avons  point  salut  sinon  d'autant  que  Iesus  Christ  nous  a  este  envoye  de  Dieu  son  Pere:  mais  sainct  Paul  apres  avoir  parle  de  la  grace  qui  nous  a  este  manifestee,  et  que  iournellement  Dieu  nous  communique  en  la  personne  de  son  Fils  par  l'Evangile,  monstre  que  cela  vient  de  ce  qu'il  luy  a  pleu  nous  aimer  par  sa  bonte  gratuite.  Voila  en  somme  quant  a  ce  passage.  Tenons  maintenant  a  ce  que  dit  S.  Paul:  il  appelle  Timothee  son  vray  fils  en  la  foy.  Or  ceci  de  prime  face  pourroit  estre  trouve  estrange,  qu'un  homme  soit  pere  spirituel,  veu  que  nostre  Seigneur  Iesus  Christ  a  defendu  cela,  disant,  qu'il  ne  nous  faut  point  avoir  de  peres  en  terre,  d'autant  qu'il  n'y  a  que  celuy  qui  est  au  ciel,  qui  merite  cest  honneur-la.  Mais  tout  ainsi  que  Dieu  estant  Pere  et  de  nos  ames  et  de  nos  corps,  fait  cest  honneur  aux  hommes  mortels  que  son  titre  leur  est  commun:  aussi  quand  il  luy  plaist  d'envoyer  les  hommes  pour  nous  attirer  a  la  foy,  ils  notis  sont  peres  spirituels.  Il  est  vray  qu'il  semble  encores  que  ceci  ne  conviene  point  avec  ce  qui  est  dit  en  l'epistre  aux  Hebrieux.  Car  la  il  y  a  une  comparaison  faite  des  peres  charnels  avec  le  Pere  de  nos  ames,  (qui  n'est  qu'un)  comme  de  choses  oppositos:  mais  le  tout  s'accordera  tresbien  quand  nous  aurons  entendu  comment  c'est  que  Dieu  est  nostre  Pere,  et  comme  les  hommes  le  sont.  Ce  nom  de  Pere  est  tant  honorable,  qu'il  n'appartient  qu'a  Dieu  seul,  mesmes  au  regard  des  corps.  Et  ainsi,  quand  nous  disons  que  ceux  qui  nous  ont  engendrez  selon  la  chair,  sont  nos  peres,  c'est  une  facon  de  parler  impropre:  car  une  creature  mortelle  ne  merite  pas  ceste  dignite  si  haute  et  si  excellente:  mais  tant  y  a  que  Dieu  par  sa  bonte  encores  eleve  les  hommes  en  ce  degre,  qu'il  veut  qu'ils  soyent  appelez  peres:  et  c'est  afin  qu'ils  se  cognoissent  tant  plus  obligez  a  luy.  Or  il  n'y  a  pas  grande  difficulte  quant  a  la  vie  presente,  qu'on  appelle  peres  charnels  ceux  qui  ont  engendre  des  enfans.  Mais  il  semble  que  Dieu  soit  le  seul  Pere  de  nos  ames,  en  telle  sorte  que  cela  ne  doyve  point  estre  applique  aux  hommes: