52:13  13  CAPUT  L  ��Iicit  esse  per  Christum,  quia  manant  ex  Christi  gratia.  Hoc  enim  benefaciendi  nobis  initium  est,  quum  eius  spiritu  sanctificamur.  Nam  super  ipsum  requievit,  ut  de  plenitudine  eius  hauriamus  omnes.  JEt  quoniam  hic  similitudinem  ab  arboribus  Paulus  ducit:  sylvestres  sumus  oleastri  et  inutiles,  donec  in  Christum  sumus  insiti,  qui  viva  sua  radice  frugiferas  arbores  nos  reddit,  iuxta  illud,  Ego  sum  vitis,  vos  palmites  (Iohan.  15,  1).  Finem  simul  demonstrat,  ut  Dei  gloriae  serviamus.  Nulla  enim  tam  praeclara  in  speciem  vita  est,  quae  non  vitietur  coram  Deo  et  foeteat,  nisi  ad  hunc  scopum  dirigatur.  Quod  autem  Paulus  iustitiam  operum  hic  nominat,  nihil  pugnat  adversus  gratuitam  iustitiam  fidei.  Neque  enim  protinus  sequitur,  illic  esse  iustitiam  ubi  sunt  fructus  iustitiae:  quoniam  iustitia  coram  Deo  non  ast,  nisi  plena  et  solida  obedientia  legis:  quae  in  nullo  sanctorum  reperietur,  qui  tamen  bonos  et  suaves  iustitiae  fructus  pro  suo  modo  producunt.  Nempe  quia1)  sicut  inchoat  in  nobis  Deus  iustitiam  per  regenerationem  spiritus:  ita  quod  deest,  per  remissionem  peccatorum  sufficit,  ut  tota  nihilominus  iustitia  ex  fide  pendeat.  12.  Scire  autem  vos  volo,  fratres,  quod  quae  mihi  acciderunt,  magis  in  profectum  cesserunt  evangelii,  13.  ut  vincula  mea  in  Christo  illustria  fuerint  in  toto  praetorio  et  reliquis  omnibus  locis:  14.  et  multi  ex  fratribus  in  Domino,  vinculis  meis  confisi,  uberius  ausi  fuerint  absque  timore  sermonem  Dei  loqui.  15.  Nonnulli  quidem  per  invidiam  et  contentionem:  alii  autem  etiam  per  benevolentiam  Christum  praedicant.  16.  Alii  inquam,  ex  contentione  Christum  annuntiant  non  pure,  existimantes  afflictionem  se  suscitare  meis  vinculis:  17.  alii  autem  ex  caritatet  scientes  quod  in  defensionem  evangelii  positus  sim.  12.  Scire  autem  vos.  Experimur  omnes  in  nobis  quantopere  soleat  offendi  caro  humilitate  crucis.  Patimur  quidem  nobis  Christum  praedicari  crucifixum:  sed  ubi  cum  sua  cruce  apparet,  quasi  novitate  perculsi,  vel  refugimus,  vel  horremus.  Neque  id  tantum  in  nostris  personis,  sed  eorum  quoque  qui  nobis  evangelium  tradunt.  Id  accidere  Philippensibus  poterat,  ut  apostoli  sui  persequutione  nonnihil  deiicerentur.  Et  credibile  est,  malos  operarios,  qui  minimis  quibusque  nocendi  occasionibus  imminebant,  non  cessasse  quin  sancti  viri  calamitati  insultarent,  ao  inde  contemptibile  redderent  eius  evangelium.  Quod  si  nihil  hac  via  proficerent,  promptum  erat  calumniari  ipsum,  quod  toti  mundo  invisus  esset:  simulque  formidinem  iniicere  Philippensibus,  ne  sibi  infausta  societate  conflarent  absque  musa  ingentem  invidiam  apud  omnes.  Sunt  enim  ��)  Deinde