51:13  13  SUR  L'EPITRE  AUX  GALATES.  14  et  erreurs  pour  pervertir  la  pure  doctrine  de  Dieu,  que  ceux  la  soyent  abysmez,  que  le  diable  les  possede,  que  iamais  n'ayent  misericorde  devant  Dieu.  Car  voila  ce  qu'emporte  ce  mot  de  Retrancher:  mais  nous  avons  a  noter  que  le  zele  que  nous  devons  avoir  a  la  gloire  de  Dieu  oublie  tout  regard  des  hommes  quand  on  met  en  balance  l'un  et  l'autre.  Mais  devant  que  passer  outre,  notons  en  premier  lieu  que  sainct  Paul  a  parle  par  similitude  en  ce  mot  de  Retrancher:  car  ces  canailles  qui  avoyent  corrompu  et  falsifie  la  doctrine  de  l'Evangile  combatoyent  pour  la  Circoncision.  Or  il  dit,  Et  bien  (dit-il)  coupez,  retranchez  tant  que  vous  voudrez,  vous  ne  cerchez  sinon  que  les  autres  s'amusent  a  tels  menus  fatras:  or  de  moy  ie  voudroye  que  tels  seducteurs  fussent  retranchez  du  tout,  et  que  Dieu  les  abysmast  et  exterminasti  et  qu'ils  soyent  tellement  reiettez  et  damnez  de  luy,  qu'ils  n'ayent  nulle  esperance  de  salut.  Or  venons  maintenant  a  ce  que  i'ay  touche.  I'ay  dit  en  somme  que  quand  les  hommes  bataillent  contre  Dieu,  qu'il  nous  leur  faut  estre  tellement  ennemis  mortels,  que  la  nous  oublions  et  parentage  et  amitie,  et  tout  ce  qu'il  y  a:  car  autrement  nous  ne  rendons  pas  a  Dieu  nostre  devoir  en  facon  que  ce  soit,  quand  il  se  nomme  pere,  et  qu'il  nous  fait  cest  honneur  de  nous  tenir  pour  ses  enfans,  c'est  pour  le  moins  que  sa  gloire  nous  soit  recommandee  par  dessus  toutes  choses.  Mais  il  nous  faut  passer  encores  plus  outre:  car  quelle  est  la  maieste  de  Dieu?  Et  puis  combien  sa  verite  nous  doit-elle  estre  precieuse?  Et  puis  quand  il  conioint  tellement  sa  gloire  avec  nostre  salut,  que  DOUS  ne  pouvons  procurer  l'un  sans  l'autre,  et  mesmes  nous  n'apporterons  ni  profit  ni  dommage  a  Dieu,  quand  nous  serons  les  plus  grans  zelateurs  qu'il  est  possible  pour  maintenir  sa  querelle:  il  n'a  nulle  necessite  de  nous:  il  ne  faut  pas  qu'il  emprunte  nostre  aide:  mais  il  nous  constitue  ses  procureurs.  Et  a  quelle  fin?  A  ce  que  chacun  de  nous  cerche  son  profit  non  point  de  ce  monde,  ni  des  choses  corruptibles:  mais  pour  le  salut  eternel  de  nos  ames.  Voila  donc  a  quoy  Dieu  nous  employe,  et  cependant  nous  sommes  lasches  et  froids:  et  ceste  trahison-la  est-elle  excusable?  Aussi  il  nous  faut  venir  a  ce  qui  est  dit  au  Pseaume,  Le  zele  de  ta  maison  m'a  mange,  et  les  opprobres  qui  venoyent  sur  toy,  ie  les  ay  receus.  Il  est  vray  que  cela  a  este  accompli  parfaitement  en  la  personne  de  nostre  Seigneur  Iesus  Christ  comme  chef  de  l'Eglise  :  mais  sainct  Paul  nous  monstre  qu'il  nous  faut  estre  conformez  a  luy  comme  a  nostre  patron  :  et  que  quand  nous  verrons  l'honneur  de  Dieu  estre  obscurci  par  les  hommes,  que  chacun  s'y  oppose  vaillament.  Yoila  en  somme  la  reigle  qu'il  nous  faut  tenir,  c'est  a  scavoir  que  nous  preferions  l'honneur  de