47:13  13  CAPUT  I.  14  que  optime  convenire:  quia  et  fide  concipimus  incorruptibile  semen,  quo  im  novam  et  divinam  vitam  renascimur.  Et  tamen  iam  fides  ipsa  opus  e^t  spiritus  sancti,  qui  nonnisi  in  filiis  Dei  habitat.  Ergo  secundum  diversos  respectus  fides  regenerationis  nostrae  pars  est,  et  in  regnum  Dei  ingressus,  ut  nos  in  filiis  suis  numeret  Quod  enim  spiritus  mentes  nostras  illustrat,  id  iam  ad  renovationem  nostri  pertinget.  Hoc  modo  ex  regeneratione,  tanquam  ex  fonte  manat  fides.  Sed  quoniam  eadem  fide  Christum  recipimus-,  qui  spiritu  nos  suo  sanctificat,  ideo  dicitur  adoptionis  nostrae  esse  principium.  Quanquam  altera  distinctio  afferri  potest  clarior  et  magis  expedita.  Nain  quum  Dominus  fidem  inspirat,  occulte  nos  et  arcano  quodam  et  incognito  nobis  modo  nos  regignit.  Fide  autem  donati,  vivo  conscientiae  sensu  non  adoptionis  modo  gratiam,  sed  vitae  quoque  novitatem  et  alia  spiritus  sancti  dona  apprehendimus.  Nam  quum  fides  (ut  dictum  est),  Christum  recipiat,  nos  in  omnium  eius  bonorum  possessionem  quodammodo  inducit.  Ita  quantum  ad  sensum  nostrum  spectat,  nonnisi  post  fidem  Dei  filii  esse  incipimus.  Quod  si  adoptionis  fructus  est  vitae  aeternae  haereditas,  videmus  ut  evangelista  uni  Christi  gratiae  totam  salutem  nostram  adscribat.  Et  sane,  ut  se  penitus  excutiant  homines,  Dei  filiis  nihil  dignum  reperient,  nisi  quod  ipsis  Christus  contulerit.  14.  Et  Sermo  caro  factus  est,  et  habitavit  in  nobis:  et  vidimus  gloriam  eius,  gloriam  tanquam  unigeniti  a  patre:  plenus  gratiae  et  veritatis.  14.  Et  sermo  caro  factus  est.  Iam  docet  qualis  ille  fuerit  Christi  adventus,  de  quo  meminerat:  nempe  quod  carne  nostra  indutus  se  palam  mundo  ostendit.  Etsi  autem  ineffabile  arcanum,  quod  Dei  filius  humanam  naturam  induerit,  breviter  attingit  evangelista,  mire  tamen  perspicua  est  haec  brevitas.  Ludunt  hic  quidam  et  ineptiunt  frivolis  argutiis  deliri  homines,  sermonem  dici  carnem  esse  factum,  quia  Deus  filium  suum,  ut  mente  conceperat,  hominem  in  mundum  miserit:  quasi  sermo  ille  umbratilis  nescio  quae  fuerit  idea.  Atqui  ostendimus,  veram  in  essentia  Dei  hypostasin  exprimi  hac  voce.  Carnis  etiam  nomen  plus  ad  exprimendam  eius  mentem  energiae  habet  quam  si  dixisset  hominem  esse  factum.  Ostendere  voluit  ad  quam  vilem  et  abiectam  conditionem  Dei  filius  nostra  causa  ex  coelestis  suae  gloriae  celsitudine  descenderit.  Scriptura,  quum  de  homine  contemptim  loquitur,  carnem  appellat.  Quum  autem  tanta  sit  distantia  inter  spiritualem  sermonis  Dei  gloriam  et  putidas  carnis  nostrae  sordes,  eousque  tamen  se  filius  Dei  submisit,  ut  carnem  istam  tot  miseriis  obnoxiam  susciperet.  Caeterum  Caro  minime  hic  pro  corrupta