45:13  13  LUC.  I.  14  bus,  porrecta  manu  eos  excitat:  cum  reprobis  aliter  agit.  Nam  quoties  ad  Dei  tribunal  trahuntur,  eos  mera  obruit  desperatio,  atque  hanc  Deus  iustam  mercedem  rependit  vanis  eorum  solatiis,  quibus  se  ad  peccandi  lasciviam  inebriant.  Quare  haec  nobis  consolatio  amplectanda  est,  qua  Zachariam  angelus  sublevat,  non  esse  timendum,  ubi  nobis  propitius  est  Deus.  Multum  enim  se  fallunt,  qui,  ut  pace  fruantur,  se  abscondunt  a  Dei  facie,  quum  nobis  pax  apud  eum  quaerenda  sit.  Exaudita  est  precatio  tua.  Perperam  et  contra  officii  sui  rationem  fecisse  videri  possit  Zacharias,  si  sanctuarium  ingressus,  totius  populi  nomine,  pro  impetranda  sobole  tanquam  homo  privatus  oraverit  :  debebat  enim  sacerdos  suscepta  publica  persona,  tanquam  sui  oblitus,  pro  communi  ecclesiae  salute  preces  concipere.  Si  dicamus,  nihil  in  eo  fuisse  absurdi,  quod  Zacharias  praecipua  orandi  parte  defunctus  secundo  loco  de  se  privatim  cogitaverit,  non  inepta  erit  solutio.  Sed  vix  probabile  est,  Zachariam  tunc  pro  filio  impetrando  orasse,  de  quo  desperaverat  ob  provectam  uxoris  aetatem,  nec  sane  ex  verbis  angeli  elicitur  certum  aliquod  temporis  momentum.  Quare  simpliciter  interpretor,  exauditum  tandem  fuisse  votum,  quod  iam  a  multo  tempore  coram  Deo  effuderat.  Porro  suscipiendae  prolis  desiderium,  modo  absit  excessus,  pium  et  sanctum  esse  colligere  licet  ex  scriptura,  quae  inter  Dei  benedictiones  hanc  non  ultimo  loco  numerat.  Vocabis  nomen  eius  Ioannem.  Nomen  baptistae  impositum  fuisse  existimo  ad  vim  officii  eius  commendandam.  pmrT��,  pro  quo  Graeci  Ioannem  dicunt,  Hebraeis  sonat  Domini  gratiam.  Sed  multi  sic  vocatum  fuisse  putant  filium  Zachariae,  quasi  Deo  dilectum.  Ego  autem  non  gratiam,  qua  privatim  dignatus  est  illum  Deus,  commendatam  fuisse  existimo,  sed  quam  eius  legatio  allatura  erat  omnibus.  Vim  autem  et  pondus  nominis  tempus  amplificat,  quia  antequam  nascatur  gratiae  suae  symbolum  illi  Deus  insculpit.  LUC.  I.  14.  Et  erit  gaudium  tibi  et  exsultatio,  et  multi  super  eius  nativitate  gaudebunt.  15.  Erit  enim  magnus  coram  Domino,  et  vinum  siceramque  non  bibet:  et  spiritu  sancto  replebitur  iam  inde  ab  utero  matris  suae.  16.  Multosque  filiorum  Israel  convertet  ad  Dominum  Deum  ipsorum.  17.  Et  ipse  praecedet  ante  illum  cum  spiritu  et  virtute  Eliae,  ut  convertat  corda  patrum  ad  filios,  et  inobedientes  ad  prudentiam  iustorum,  ut  paret  Domino  plebem  perfectam.  14.  Erit  tibi  gaudium.  Gaudium  maius  designat  angelus  quam  quod  percipere  Zacharias  poterat  ex  nova  sobole:  filium  enim  illi  fore  significat,  qualem