43:13  13  CAPUT  I.  14  captivitatem  perfectam  in  Edom,  et  non  recordati  sunt  foederis  fratrum.  10.  Et  mittam  ignem  in  murum  Tyr^  qui  comedet  palatia  eius.  Iisdem  fere  verbis  utitur  adversus  Tyrum,  quae  iam  vidimus  adversus  Gazam  :  et  idem  etiam  peccatum  in  illis  accusat,  quod  scilicet  Iudaeos  exsules  et  profugos  a  patria  transtulerint  in  Idumaeam,  et  addixerint  Idumaeis  captivos.  Sed  interea  idem  pronuntiat  de  Tyro  quod  de  aliis  omnibus,  nempe  non  leviter  peccasse,  ut  mediocris  castigatio  sufficiat,  quoniam  abusi  fuerant  Dei  tolerantia  ad  longum  tempus,  et  steterant  in  sua  malitia  obstinati.  Quod  autem  dicit  non  fuisse  memores  foederis  fratrum,  hoc  quidam  referunt  ad  Hiram  et  Davidem.  Nam  scimus  fraterne  fuisse  coniunctos,  et  usos  etiam  fuisse  ultro  et  citro  hoc  nomine:  tanta  erat  inter  ipsos  benevolentia.  Putant  igitur  quidam  Tyrios  hic  damnari,  quod  exuerint  memoriam  illius  foederis.  Debebat  enim  apud  eos  manere  aliqua  ratio  veteris  illius  amicitiae,  quae  contracta  fuerat  inter  duos  reges.  Sed  nescio  an  illud  sit  nimis  coactum:  potius  inclino  in  diversam  sententiam,  quod  scilicet  Tyrii  prodiderint  Iudaeos  et  Israelitas  Idumaeis,  quum  tamen  scirent  esse  fratres.  Qui  autem  accommodant  suam  operam  hac  in  parte,  minus  excusabiles  sunt.  Si  videam  aliquem  conspirare  in  perniciem  fratris  sui,  est  monstrum  detestabile:  si  non  abhorream  a  consensu  sceleris,  ego  eadem  culpa  constringor.  Quum  ergo  viderent  Tyrii  Idumaeos  crudeliter  saevire  contra  suos  fratres,  quia  progeniti  erant  ex  eadem  gente,  certe  debebant  potius  Idumaeis  ostendere,  quam  essent  et  ab  omni  humanitate  alieni,  et  perfidi  etiam  contra  fratres  et  consanguineos  suos.  Iam  propheta  dicit,  fuisse  immemores  foederis  fratrum,  quia  sese  praebuerint  ministros  tanti  et  tam  exsecrandi  sceleris,  ut  scilicet  traducerent  Iudaeos  in  Idumaeam,  et  illic  concluderent,  quum  tamen  scirent  nihil  aliud  Idumaeos  venari,  quam  ut  fratres  suos  in  totum  perderent.  Videtur  hic  esse  magis  genuinus  sensus  prophetae.  Iam  addit  Deum  missurum  ignem  in  murum  Tyri,  qui  comedat  palatia  eius.  Quomodo  hoc  contigerit  non  potest  certo  sciri.  Etsi  enim  Tyrus  diruta  fuerit  ab  Alexandro,  sicuti  etiam  Gaza,  non  dubito  tamen  quin  duae  illae  urbes  passae  fuerint  hanc  cladem  multo  -  tempore  ante  adventum  Alexandri  Macedonis.  Et  quemadmodum  iam  admonui,  probabile  est  Assyrios  vastasse  omnes  illas  regiones,  et  potitos  etiam  fuisse  Tyro,  quanquam  urbem  ipsam  non  everterint.  Nam  tempore  Alexandri  nullum  erat  illic  regnum,  sed  erat  conversum  in  rempublicam:  populus  erat  liber  et  sui  iuris.  Oportet  igitur  fuisse  non  parvas  mutationes,  quia  prorsus  alia  erat  forma  urbis,  et  aliud  regimen,  quam  antea  fuisset.  Sciendum  igitur  est,  Tyrum  fuisse  vastatam  ab