42:13  13  SUR  LE  XI.  CHAP.  DE  DANIEL.  14  taige  pour  le  present,  nous  differons  le  reste  a  demain.  Suivant  cette  saincte  doctrine,  nous  nous  prosternerons  devant  la  face  de  nostre  bon  Dieu,  etc.  SERMON  XXXV  sur  le  Chap.  XI.  v.  6.13.  Quand  nous  n'aurions  autre  profit  en  lisant  ces  histoires,  que  d'estre  certifies  que  Dieu  ha  parle  par  ses  prophetes,  c'est  desia  beaucoup.  Or  il  n'est  point  seulement  ici  question  de  Daniel,  mais  en  general  de  tous  les  prophetes  qui  ont  este  envoies  apres  Moyse:  la  loy  de  Dieu  donc,  et  tout  le  reste  qui  ha  este  adiouste,  ha  ici  son  approbation,  quand  nous  voions  que  les  choses  ont  este  predites  auparavant,  selon  qu'elles  sont  monstrees,  qu'il  faloit  bien  que  Dieu  eust  envoie  cette  revelation  ici,  car  il  n'en  pouvoit  point  parler  de  son  cerveau,  il  faloit  qu'il  eust  revelation  du  ciel.  Ainsi  donc,  nous  voions  bien  que  ce  n'est  pas  sans  fruict  que  nous  lisons  ces  histoires,  et  que  nous  en  avons  la  connoissance,  car  la  verite  de  Dieu  sera  par  ce  moien  ratifiee  en  nous,  quand  nous  connoistrons  que  la  doctrine  qui  est  contenue  en  l'escriture  saincte,  n'est  point  des  hommes,  qu'il  se  faut  arrester  la,  que  c'est  le  fondement  de  toute  religion,  et  de  nostre  salut,  que  si  les  hommes  ameinent  ceci  ou  cela,  qu'ils  ne  font  qu'errer,  qu'il  n'y  ha  qu'une  voie  qui  soit  droite  et  certaine:  Quand  nous  aurons  conneu  toutes  ces  choses  pour  la  confirmation  de  nostre  foy,  n'aurons-nous  pas  beaucoup  profite?  Mais  notons  qu'il  nous  faut  raporter  le  tout  a  ce  but  la,  a  scavoir,  que  nous  soions  certifies  de  la  parole  de  Dieu,  a  fin  de  l'avoir  en  telle  reverence  comme  elle  merite.  Or  il  y  ha  d'avantage  (comme  desia  nous  avons  touche  par  ci  devant)  c'est  a  scavoir,  quand  Dieu  nous  propose  ici  ces  iugemens  au  descouvert,  que  c'est  autant  comme  s'il  dressoit  un  eschaffaut,  qu'il  nous  monstrast  la  comme  il  punist  les  peches  des  hommes,  quand  ils  se  desbordent  outre  mesure,  que  s'il  dissimule  pour  un  temps,  que  si  faut-il  qu'il  les  ameine  a  compte,  qu'il  n'espargne  les  grands  non  plus  que  les  petits,  qu'il  frappe  dessus  ces  grosses  testes,  qu'il  declare  que  si  les  roys  et  princes  s'eslevent  en  leurs  grandeurs,  qu'il  faut  que  ses  iugemens  soient  tant  plus  notables  sur  eux,  qu'ils  soient  en  exemple  a  tous  autres,  qu'ils  soient  comme  les  patrons,  ausquels  on  appercoive  comme  Dieu  (apres  avoir  use  de  longue  attente)  met  la  main  aux  choses  quand  elles  sont  confuses,  pour  les  reduire  en  ordre.  Quand  donc  nous  voions  de  tels  exemples  des  punitions  que